थरारक! शेतातील गाेठ्यात झाेपलेल्या शेतकऱ्याचा गळा चिरून खून

शेलगावातील थरारक घटना; पाेलीस घटनास्थळी, गुन्ह्यात धारदार शस्त्राचा वापर

धाराशिव/कळंब - शेतातील गाेठ्यात झाेपलेल्या शेतकर्याचा धारदार शस्त्राने गळा चिरून खून केल्याची थरारक घटना गुरूवारी सकाळी पावणेसात वाजेच्या सुमारास उघडकीस आली. ही घटना कळंब तालुक्यातील शेलगाव (ज.) शिवारात घडली. माहिती मिळताच येरमाळा पाेलीसांनी घटनास्थळी धाव घेत पंचनामा केला.

शेलगाव (ज.) येथील ४० वर्षीय शेतकरी संताेष भुजंग तवले हे बुधवारी रात्री आपल्या शेतातील गाेठ्यात झाेपले हाेते. खाटावर गाढ झाेपेलेले असतानाच धारदार शस्त्राने गळा चिरून त्यांचा खून करण्यात आला. ही घटना गुरूवारी सकाळी ६:४५ वाजण्याच्या सुमारास उघडकीस आली. दरम्यान, या थरारक घटनेची माहिती मिळताच सहाय्यक पाेलीस निरीक्षक एम. रमेश तसेच येरमाळा पाेलीस ठाण्याचे सपाेनि अतुल पाटील यांनी तातडीने घटनास्थळास भेट दिली. तपासाची चक्रे फिरवित एका संशयितास पाेलिसांनी ताब्यात घेतल्याचे समजते. ही घटना शेतीच्या वादातून झाल्याची चर्चा आहे.