१९१ चालकांविरुद्ध कारवाईचा बडगा
By लोकमत न्यूज नेटवर्क | Published: April 23, 2021 04:35 AM2021-04-23T04:35:40+5:302021-04-23T04:35:40+5:30
किलज येथे छापा, दारू जप्त उस्मानाबाद -तुळजापूर तालुक्यातील किलज येथे नळदुर्ग पाेलीस ठाण्याच्या पथकाने २१ एप्रिल राेजी अचानक छापा ...
किलज येथे छापा, दारू जप्त
उस्मानाबाद -तुळजापूर तालुक्यातील किलज येथे नळदुर्ग पाेलीस ठाण्याच्या पथकाने २१ एप्रिल राेजी अचानक छापा मारला. या कारवाईत देशी दारूच्या १२ बाटल्या जप्त केल्या. याप्रकरणी बालाजी हरिबा निर्मळे यांच्याविरूद्ध महाराष्ट्र मद्य निषेध कायद्याअंतर्गत नळदुर्ग पाेलीस ठाण्यात गुन्हा दाखल करण्यात आला आहे. अधिक तपास पाेलीस करीत आहेत.
सतरा वर्षीय मुलीचे अपहरण, गुन्हा दाखल
उस्मानाबाद - लाेहारा पाेलीस ठाण्याच्या हद्दीतील एका १७ वर्षीय मुलीचे अज्ञाताने अपहरण केले. हा प्रकार समाेर आल्यानंतर मुलीच्या पित्याने दिलेल्या फिर्यादीवरून अज्ञाताविरुद्ध गुन्हा दाखल करण्यात आला आहे. अधिक तपास पाेलीस करीत आहेत.
जनता कर्फ्यूचे उल्लंघन करणे भाेवले
उस्मानाबाद - शहरातील आनंदनगर भागातील ईस्माईल शेख यांनी २१ एप्रिल राेजी जनता कर्फ्यूचे उल्लंघन करून जेन्ट्स पार्लर व्यवसाय सुरू ठेवला. हा प्रकार पथकाच्या निदर्शनास आल्यानंतर शेख यांच्याविरुद्ध आनंदनगर पाेलीस ठाण्यात फिर्याद दाखल केली. त्यावरून संबंधिताविरुद्ध गुन्हा नाेंद करण्यात आला आहे.