तिघांवर कारवाई

कोंडमध्ये छापा

उस्मानाबाद : तालुक्यातील ढोकी पोलिस ठाण्याच्या पथकाने २४ डिसेंबर रोजी कोंड येथे छापा टाकला. या ठिकाणी वैजीनाथ मल्लिकार्जुन रोडगे हा शिवम टेलर या दुकानासमोर कल्याण मटका नावाच्या जुगाराचे साहित्य व रोख ६७० रुपयांसह पथकास आढळून आला. पोलिसांनी त्याच्याकडून हा मुद्देमाल जप्त करुन त्याच्या विरुधञद ढोकी पोलिस ठाण्यात गुन्हा दाखल केला.

पानटपरीत दारू

तुळजापूर : तुळजापूर तालुक्यातील खडकी येथे पानटपरीत दारू बाळगणाऱ्या एकाविरूध्द तामलवाडी पोलिस ठाण्यात गुन्हा दाखल करण्यात आला आहे. २४ डिसेंबर रोजी पोलिसांनी खडकी येथे छापा टाकला असता गोविंद पंडीत गायकवाड हा त्याच्या पानटपरीत बियरच्या पाच बाटल्यांसह आढळून आला. हा मुदञदेमाल जप्त करून त्याच्या विरुध्द गुन्हा दाखल करण्यात आला.

महिलेविरुध्द गुन्हा

येरमाळा : कळंब तालुक्यातील वडगाव (ज) येथे गावठी दारूसह मिळून आलेल्या एका महिलेविरुध्द येथील पोलिस ठाण्यात गुन्हा दाखल करण्यात आला. २४ डिसेंबर रोजी वडगाव (ज) येथील अनिता पवार या त्यांच्या राहत्या घराजवळ नऊ लिटर गावठी दारूसह येरमाळा पोलिसांना आढळून आल्या. त्यांच्याकडून मुद्देमाल जप्त करून गुन्हा दाखल करण्यात आला.

महिलेस मारहाण

कयंब : शेतजमिनीच्या वादावरून महिलेस मारहाण झाल्याची घटना शहरातील लक्ष्मीनगर भागात घडली. २४ डिसेंबर रोजी मुद्रीका शिवाजी गिरी या त्यांच्या घरी होत्या. यावेळी त्यांचे नातेवाईक सुनीता गिरी, अनिता भारती व विजयाबाई भारती (तिघी रा. अहमदपूर) यांनी मुद्रीका गिरी यांना त्यांना घरात घुसून मारहाण केली. याप्रकरणी कळंब पोलिस ठाण्यात गुन्हा दाखल झाला आहे.