भाजप जिल्हा कार्यकारिणीची बैठक

उस्मानाबाद : भारतीय जनता पार्टी जिल्हा कार्यकारिणीची बैठक मराठवाडा संघटनमंत्री संजय कौडगे यांच्या प्रमुख उपस्थितीत व जिल्हाध्यक्ष नितीन काळे यांच्या अध्यक्षतेखाली पार पडली. यावेळी प्रदीप शिंदे यांनी जिल्ह्यातील बूथ संपर्क प्रमुख गठन आणि शक्ती केंद्र तसेच बूथ संरचनेची माहिती दिली. शेतीविषयक ठरावाची माहिती नेताजी पाटील यांनी दिली. माजी जिल्हाध्यक्ष दत्ताभाऊ कुलकर्णी यांनी राजकीय ठराव याबद्दल माहिती देऊन कोरोना महासाथीच्या उपाययोजनांबाबत महाविकास आघाडी सरकार पूर्णपणे अपयशी ठरल्याचा आरोप केला. पांडुरंग पवार यांनी सोशल मीडिया आणि सक्रियता याबद्दल माहिती दिली. ॲड. खंडेराव चौरे, संजय कोडगे यांनीही मनोगत व्यक्त केले.

जिल्हाध्यक्ष नितीन काळे यांनी पश्चिम बंगालचे उदाहरण देत बूथ संरचना ही पक्ष बांधणीसाठी अत्यंत महत्त्वाचा मुद्दा असल्याचेही सांगितले. सूत्रसंचलन जिल्हा सरचिटणीस नितीन भोसले यांनी केले. बैठकीस प्रदेश कार्यकारिणी सदस्य सतीष दंडनाईक, माजी नगराध्यक्ष सुनील काकडे, किसान मोर्चाचे रामदास कोळगे, भटके विमुक्त आघाडीचे जिल्हाध्यक्ष सीताराम वनवे, भाजपा युवा मोर्चा जिल्हाध्यक्ष राजसिंह राजेनिंबाळकर, ओबीसी मोर्चाचे जिल्हाध्यक्ष विजय ‍शिंगाडे, सर्व तालुका अध्यक्ष, सरचिटणीस तसेच जिल्हाभरातील पदाधिकारी उपस्थित होते.