अंधश्रद्धा निर्मूलन समितीची जिल्हा कार्यकारिणी जाहीर

अंधश्रद्धा निर्मूलन समितीची स्थापना झाल्यापासून जिल्हास्तर केंद्रस्थानी मानून काम केले जात आहे. याच अनुषंगाने संघटनेचे राज्य प्रधान सचिव माधव बावगे यांच्या अध्यक्षतेखाली व एम. डी. देशमुख यांच्या मार्गदर्शनाखाली व अरविंद शिंदे यांच्या उपस्थितीत उस्मानाबाद येथे नुकतीच बैठक पार पडली. यामध्ये जिल्हा कार्याध्यक्ष म्हणून बालाजी माणिकराव राऊत, विविध उपक्रमांचे कार्यवाहक म्हणून पांचाळ कृष्ण सुभाषराव, बुवाबाजी विरोधी संघर्ष कार्यवाह म्हणून दत्ता महादेव भांडे, वैज्ञानिक जाणिवा प्रकल्पाचे कार्यवाह डॉ. शरद सूर्यवंशी, सांस्कृतिक अभिव्यक्ती कार्यवाहपदी सिद्धार्थ उत्तमराव कांबळे, युवा सहभाग कार्यवाह म्हणून संदीप अंकुश सूर्यवंशी यांची नियुक्ती करण्यात आली आहे.

याशिवाय प्रशिक्षण विभाग कार्यवाहपदी दीपक सुभाष सूर्यवंशी, महिला सहभाग विभाग संध्या रामेश्वर सोनटक्के, प्रकल्प विभाग सोमनाथ रामहरी कसबे, मानसिक आरोग्य विभाग कार्यक्रम प्रा. प्रताप उद्धवराव शिंदे, अंनिस पत्रिका प्रा. अनिल शहाजी फाटक, निधी संकलन विभाग कार्यवाह विक्रम शंकरराव मायाचारी यांची निवड करण्यात आली. विशेष म्हणजे सर्व पदाधिकारी कळंब तालुक्यातील असून, यांनी अंधश्रद्धा निर्मूलन समिती शाखा कळंबमध्ये विविध पदावर यापूर्वी कार्य केलेले आहे. समाजातून सर्वच स्तरांतून त्यांचे कौतुक होत आहे.