अभियानाद्वारे शासनाच्या योजना सर्वसामान्यांपर्यंत पोहोचवा

लोहारा : शिवसैनिक हे सर्वसामान्य जनतेच्या सुखदुःखात नेहमीच धावून जातात; परंतु, सध्याच्या संकटकाळात मुख्यमंत्र्यांचे कार्य व शासनाच्या विविध योजना नागरिकापर्यंत पोहोचविण्यासाठी हे अभियान सुरू करण्यात आल्याचे खा. ओमप्रकाश राजेनिंबाळकर यांनी सांगितले.

लोहारा-उमरगा विधानसभा मतदारसंघातील या अभियानाचा प्रारंभ लोहारा तालुक्यातील हिप्परगा (रवा) येथून खासदार ओमप्रकाश राजेनिंबाळकर, आमदार कैलास पाटील व आमदार ज्ञानराज चौगुले यांच्या प्रमुख उपस्थितीत बुधवारी करण्यात आला. यावेळी शिवसेना सदस्य नोंदणी अभियानाचाही प्रारंभ करण्यात आला. यावेळी ते बोलत होते.

कार्यक्रमास किरण गायकवाड, बाजार समितीचे सभापती मोहयोद्दीन सुलतान, शिवसेना तालुकाप्रमुख मोहन पणुरे, उमरगा शिवसेना तालुकाप्रमुख बाबूराव शहापुरे, माजी नगराध्यक्ष रज्जाक अत्तार, माजी नगरसेवक अभिमान खराडे, श्याम नारायणकर, अविनाश माळी, दीपक रोडगे, सलीम शेख, श्रीकांत भरारे, युवा सेना तालुकाप्रमुख अमोल बिराजदार, प्रताप घोडके, योगेश जाधव, धर्मवीर जाधव, भारत सुतार, इंद्रजित लोमटे, हिप्परगा (रवा) गावचे सरपंच राम मोरे, कानेगावचे सरपंच नामदेव लोभे, कास्तीचे सरपंच परवेज तांबोळी, मोघाचे सरपंच सचिन गोरे, नितीन जाधव, आदी उपस्थित होते.