शिरपूर नगरपालिकेला 3 कोटीचे बक्षीस

नाशिक विभागात प्रथम : मुख्यमंत्र्यांच्या हस्ते जयश्रीबेन पटेल यांचा सन्मान

 शिरपूर,दि.4- राज्य शासनातर्फे नगरविकास दिनाच्यानिमित्याने राज्यातील उत्कृष्टपणे काम करणा:या  नगरपरिषदांचा गौरव मुख्यमंत्री देवेंद्र फडणवीस यांच्या हस्ते गुरुवारी करण्यात आला़ त्यात राज्यात सर्वप्रथम येण्याचा बहुमान मिळविणा:या येथील शिरपूर-वरवाडे नगरपरिषदेला 3 कोटी रूपयांचे पारितोषिक देवून नगराध्यक्षा जयश्रीबेन पटेल यांना गौरविण्यात आल़े

मुंबई येथील नरिमन पॉईंटजवळील यशवंतराव प्रतिष्ठान सभागृहात मुख्यमंत्री देवेंद्र फडणवीस यांच्या हस्ते राज्यातील उत्कृष्टपणे काम करणा:या नगरपरिषदांना सन्मानीत करण्यात आल़े त्यात ब वर्ग नगरपरिषदांमधून नाशिक विभागातून शिरपूर वरवाडे नगरपरिषद प्रथम, संगमनेर नगरपरिषद द्वितीय तर क वर्ग नगरपरिषदांमधून त्र्यंबकेश्वर नगरपरिषद प्रथम व देवळाली नगरपरिषद द्वितीय क्रमांकाने निवडण्यात आली होती़

पहिल्या लोकनियुक्त महिला नगराध्यक्षा जयश्रीबेन अमरिशभाई पटेल व उपनगराध्यक्ष भूपेशभाई पटेल यांचा विशेष गौरव मुख्यमंत्री फडणवीस यांच्या हस्ते करण्यात आला़ यावेळी सन्मानचिन्ह व 3 कोटी रूपयांचा धनादेश देण्यात आला़  पुरस्कार घेण्यासाठी माजी नगराध्यक्ष प्रभाकर चव्हाण, संगीता देवरे, मुख्याधिकारी निवृत्ती नागरे, प्रशासकीय अधिकारी माधव पाटील, माजी उपनगराध्यक्ष वासुदेव देवरे, नगरसेवक इर्फान मिङरा, दिलीप माळी आदी गेले होत़े