दहिवेलजवळ लक्झरी बस उलटल्याने अपघात

नागपूर-सुरत राष्ट्रीय महामार्ग : ६ गंभीर, २५ जणांना किरकोळ दुखापत

ठळक मुद्देदहिवेलजवळ सुरतकडे जाणारी लक्झरी बस उलटलीअपघातात ६ गंभीर, २५ जण किरकोळ जखमी

लोकमत न्यूज नेटवर्क
दहिवेल : नागपूर-सुरत राष्ट्रीय महामार्गावर दहिवेलनजिक काळदर फाट्याजवळ सुरतकडे भरधाव वेगाने जाणारी जीजे १७ यूयू ००७५ क्रमांकाची लक्झरी बस रविवारी पहाटे ५ वाजेच्या सुमारास उलटली़ या अपघातात ६ जण गंभीर जखमी झाले असून २५ जणांना किरकोळ दुखापत झाली आहे़ जखमींमध्ये अकोला, यवतमाळ येथील प्रवाश्यांचा समावेश असून ते सुरतकडे जात होते़ अपघाताची माहिती मिळताच नागरीकांसह पोलिसांनी मदतीसाठी धाव घेतली़ जखमींना दहिवेल येथील प्राथमिक आरोग्य केंद्रात वैद्यकीय उपचारासाठी दाखल करण्यात आले आहे़ तर गंभीर जखमींना धुळ्यात हलविण्यात आले आहे़ गंभीर जखमींमध्ये गणेश रमेश डोंगे (अकोला), बबन तुळशिराम गवळे (खामगाव), संदिप सखाराम पवार (खामगाव), रंजना श्रीकृष्ण रंगे (अकोला), मंगला डोंगे (अकोला) आणि अन्य एक महिला या सहा जणांचा समावेश आहे़ उलटलेली लक्झरी ही सुरत येथील आहे़ चालक रमेश हिरालाल डोंगरे हा देखील या अपघातात जखमी झालेला आहे़