धुळ्याचे चंद्रकांत सोनार यांची राष्ट्रवादीतून हकालपट्टी

पक्षविरोधी कारवाईचा ठपका : दोन दिवसात भुमिका मांडणार- सोनार

 धुळे,दि.11- महापालिकेतील सत्ताधारी पक्ष असलेल्या राष्ट्रवादी काँग्रेसचे नगरसेवक व माजी स्थायी समिती सभापती चंद्रकांत सोनार यांची गुरूवारी पक्षातून हकालपट्टी करण्यात आली़ पक्षाचे शहर जिल्हाध्यक्ष मनोज मोरे यांनी पत्रक काढून सोनार यांची हकालपट्टी केल्याचे जाहीर केले आह़े

चंद्रकांत सोनार हे राष्ट्रवादी काँग्रेस पक्षाचे जेष्ठ नगरसेवक असून त्यांनी स्थायी समिती सभापती पद भूषविले आह़े मात्र काही दिवसांपूर्वी सोशल मिडीयावर सोनार यांचे सुपूत्र देवा सोनार यांनी राष्ट्रवादीचे शहर जिल्हाध्यक्ष मनोज मोरे, माजी महापौर जयश्री अहिरराव व त्यांचे पती कमलाकर अहिरराव यांच्याबद्दल आक्षेपार्ह पोस्ट टाकल्याने वादविवाद झाले होत़े याप्रकरणी देवा सोनारवर गुन्हा देखील दाखल करण्यात आला असून तेव्हापासून चंद्रकांत सोनार व पक्षाच्या पदाधिका:यांमध्ये अंतर्गत वाद झाला होता.

 

पक्षाने कारवाई केली असली तरी त्याबाबत लवकरच भुमिका मांडणार आह़े राष्ट्रवादीचे काही पुढारी व आपल्या मुलात वाद झाल्याने कारवाई झाली असावी़ लवकरच सविस्तर भुमिका मांडणार आह़े

      -चंद्रकांत सोनार, नगरसेवक, मनपा, धुळे