धुळे जिल्ह्यात ४ हजार ८०४ प्रकरणे तडजोडीने निकाली

राष्ट्रीय लोकअदालत : ५ कोटी १९ लाख रुपयांची नुकसानभरपाई 

ठळक मुद्देराष्ट्रीय लोकअदालतीचे कामकाज धुळे शहर, शिरपूर, दोंडाईचा, साक्री, शिंदखेडा येथे झाले़ वादपुर्व व प्रलंबित २१ हजार प्रकरणे ठेवली होती़यात ४ हजार ८०४ प्रकरणे तडजोडीअंती निकाली काढण्यात आली़

लोकमत न्यूज नेटवर्क
धुळे : राष्ट्रीय लोकअदालतीचे कामकाज जिल्ह्यातील पाच न्यायालयांमध्ये शनिवारी पार पडले़ यात ४ हजार ८०४ प्रकरणे तडजोडीअंती निकाली काढण्यात आली़ लोक अदालतमध्ये ५ कोटी १९ लाख रुपयांची नुकसान भरपाई देण्यात आली़ 
प्रमुख जिल्हा व सत्र न्यायाधीश रवींद्र जोशी यांच्या मार्गदर्शनाखाली राष्ट्रीय लोक अदालत पार पडली़ धुळे शहर १४, शिरपूर ३, दोंडाईचा व साक्रीत प्रत्येकी २ आणि शिंदखेड्यात १ असे २२ पॅनल होते़ वादपुर्व व प्रलंबित २१ हजार प्रकरणे ठेवली होती़ तसेच नुकसान भरपाईसह ८१ लाख रुपयांची वसुलीही झाली़ शांततेत कामकाज पार पडले़