छडवेल येथे एकाच रात्री तीन ठिकाणी घरफोडी

साक्री तालुका : ४२ हजारांचा ऐवज चोरट्यांकडून लंपास

धुळे : साक्री तालुक्यातील छडवेल कोर्डे येथे एकाच रात्रीत तीन ठिकाणी घरफोडी झाली आहे़ चोरट्यांनी एका घरातून रोकडसह ४२ हजारांचा ऐवज लंपास केला आहे़ याप्रकरणी निजामपूर पोलीस ठाण्यात अज्ञात चोरट्यांविरुद्ध गुन्हा दाखल करण्यात आला आहे़
छडवेल कोर्डे येथे राहणारे  दीपक अरविंद बेडसे (वय ३८) यांचे घर बंद असल्याची संधी साधून अज्ञात चोरट्यांनी ३ ते ४ मार्च रोजीच्या रात्री त्यांच्या घराच्या दरवाजाचे कुलूप तोडून आत प्रवेश केला़ कपाटातील १७ हजार रुपये रोख, २० हजार रुपये किमतीचा सोन्याचा ३ तोळ्याचा तुकडा, ५ हजार रुपये किमतीची सोन्याची साखळी असा ४२ हजार रुपयांचा मुद्देमाल लंपास केला़  दरम्यान, त्याच रात्री चोरट्यांनी गावातील चंद्रकांत दौलतराव बेडसे व देवीदास लोटन खैरनार यांच्या घराचेदेखील दरवाजाचे कुलूप तोडून आत प्रवेश केला व घरातील किरकोळ  ऐवज चोरून नेला़ याप्रकरणी दीपक बेडसे यांनी निजामपूर पोलीस ठाण्यात दिलेल्या तक्रारीवरून भादंवि कलम ४५७, ३८० प्रमाणे चोरट्यांविरुद्ध गुन्हा दाखल करण्यात आला आहे़ तपास पोलीस उपनिरीक्षक एक़े.पाटील करीत आहेत़
महिलेला घरात घुसून मारहाण
पोलिसात तक्रार केल्याच्या कारणावरून महिलेला घरात घुसून एकाने मारहाण केल्याची घटना ३ मार्च रोजी रात्री घडली़ याप्रकरणी एकाविरुद्ध पोलिसात गुन्हा दाखल करण्यात आला.
शिरपूर शहरातील करवंद नाका बालाजीनगरात राहणाºया निर्मलाबाई प्रभाकर बारी (वय ४२) यांनी पोलिसात आपल्याविरोधात गुन्हा दाखल केला म्हणून अर्जुन राजू बेडवाल (रा़शिरपूर)  याने ३ मार्चला रात्री ८ वाजेच्या सुमारास निर्मलाबाई यांना मारहाण केली.