ट्रॅक्टरच्या धडकेत पादचाऱ्याचा मृत्यू, दोंडाईचानजीक घटना, फरार ट्रॅक्टर चालकावर गुन्हा

याप्रकरणी शिंदखेडा पोलिस ठाण्यात अपघाताची नोंद गुरुवारी दुपारी पावणे एक वाजता करण्यात अली. फरार ट्रॅक्टर चालकाविरोधात गुन्हा दाखल करण्यात आला. सहायक पोलिस उपनिरीक्षक ठाकरे घटनेचा तपास करीत आहेत.

धुळे : भरधाव वेगाने येणाऱ्या ट्रॅक्टरची पादचाऱ्यास धडक बसली. यात जखमी झालेल्या पादचाऱ्याचा रुग्णालयात उपचारादरम्यान मृत्यू झाला. ही घटना शिंदखेडा ते दोंडाईचा रोडवर बुधवारी सायंकाळी घडली. अपघातानंतर फरार ट्रॅक्टर चालका विरोधात शिंदखेडा पोलिसात गुन्ह्याची नोंद करण्यात आली आहे.

शिरपूर तालुक्यातील अहिल्यानगर येथील दंगल किसन पवार (वय ४२) हे शिंदखेड्याकडून दोंडाईचाकडे रोडवरून पायी जात होते. हॉटेल बुधवनजवळ त्यांना एमएच १८-बीएक्स ४९३२ क्रमांकाच्या ट्रॅक्टरने भरधाव वेगाने येत दंगल पवार यांना जाेरदार धडक दिली. अपघाताची ही घटना बुधवारी सायंकाळी साडेसात वाजेच्या सुमारास घडली. यावेळी त्यांच्या डोक्याला अधिक मार लागला. जखमी अवस्थेत दंगल पवार यांना रुग्णालयात दाखल करण्यात आले. उपचार सुरू असताना त्यांचा मृत्यू झाला. अपघाताच्या घटनेनंतर ट्रॅक्टर चालकाने घटनास्थळावरून पळ काढला. याप्रकरणी शिंदखेडा पोलिस ठाण्यात अपघाताची नोंद गुरुवारी दुपारी पावणे एक वाजता करण्यात अली. फरार ट्रॅक्टर चालकाविरोधात गुन्हा दाखल करण्यात आला. सहायक पोलिस उपनिरीक्षक ठाकरे घटनेचा तपास करीत आहेत.