शनिवारी १८९ अहवाल पॉझिटिव्ह, पाच रूग्णांचा मृत्यू

लोकमत न्यूज नेटवर्क
धुळे : जिल्ह्यातील आणखी १८९ अहवाल शनिवारी पॉझिटिव्ह आले. तर पाच रुग्णांचा मृत्यू झाला.
मृतांमध्ये, धुळे शहरातील बाळापूर, धुळे तालुक्यातील नेर व फागणे, शिंदखेडा तालुल्यातील दोंडाईचा व साक्री तालुक्यातील निजामपूर येथील रुग्णांचा समावेश आहे.
शनिवारच्या अहवालानुसार, धुळे शहरातील ८७ रुग्णांचे अहवाल पॉझिटिव्ह आले. तसेच धुळे तालुक्यातील १२, शिंदखेडा तालुक्यातील १३, शिरपूर तालुक्यातील ६७ व साक्री तालुक्यातील १० रुग्णांना कोरोनाची बाधा झाली आहे. जिल्ह्यातील बाधित रुग्णांची संख्या ८ हजार १७० इतकी झाली आहे.