भरवाडेत दोन जणांना मारहाण

शेतातील वाद : शिरपूर पोलिसात 12 जणांविरुद्ध गुन्हा दाखल

धुळे : शिरपूर तालुक्यातील भरवाडे येथे शेतातील वादातून दोघांना 12 जणांनी मारहाण केल्याची घटना शनिवारी सकाळी घडली़ याप्रकरणी रविवारी शिरपूर शहर पोलिसात 12 जणांविरुद्ध गुन्हा दाखल करण्यात झाला आह़े
याबाबत महारू मंगा कोळी (रा़ भरवाडे) यांनी पोलिसात दिलेल्या फिर्यादीनुसार, शेताच्या बांधावरील खुणांच्या जागी ओटा बांधल्याच्या कारणावरून शनिवारी सकाळी आठ वाजेच्या सुमारास शेताच्या बांधावर संजय तुकाराम पाटील याच्यासह 12 जणांनी हातात लाठय़ा- काठय़ा घेऊन, गर्दी करून महारू कोळी व वसंत कोळी यांच्याशी वाद घातला़ त्यांना शिवीगाळ करत धमकी देऊन  हाताबुक्क्यांनी मारहाण केली़ या भांडणात वसंत कोळी यांचे 10 हजार रुपये गहाळ झाल़े याप्रकरणी संजय सोनवणे, अशोक पीतांबर सोनवणे, दिनेश भगवान कोळी, भगवान सुरेश सोनवणे, श्रीराम रमेश सोनवणे, भीमा पीतांबर सोनवणे, संतोष पीतांबर सोनवणे, रोहिदास कनाशी पाटील, छोटू आत्मराम पाटील, सुदाम आनंदा चित्ते, चेतन हरी पाटील, रितेश हरी चित्ते (सर्व रा़ भरवाडे) या 12 जणांविरुद्ध शिरपूर शहर पोलीस ठाण्यात भादंवि कलम 448, 143, 147, 149, 323, 504, 506 प्रमाणे गुन्हा दाखल करण्यात आला आह़े तपास पो़ह़ेकॉ. पाटील करीत आहेत़
मागील भांडणावरून          मामा- भाच्याला मारहाण
मागील भांडणाची कुरापत काढून बापू भास्कर पाटील (रा़ किस्मतनगर, हुडको, पहिली गल्ली, शिरपूर) यांच्यासह त्यांच्या भाच्याला आकाश चौधरी, विजय चौधरी, राहुल सुतार, राहुल चौधरी (पूर्ण नाव-गाव माहीत नाही) सर्व रा़ किस्मतनगर या चौघांनी काठीने मारून जखमी केल़े तसेच शिवीगाळ करून दोघांना हाताबुक्क्यांनी मारहाण केली़ ही घटना शनिवारी किस्मतनगरात रात्री घडली़ याप्रकरणी बापू पाटील यांनी शिरपूर शहर पोलीस ठाण्यात दिलेल्या फिर्यादीवरून रविवारी वरील चौघांविरुद्ध भादंवि कलम 323, 324, 504, 506, 34 प्रमाणे गुन्हा दाखल करण्यात आला आह़े तपास पो़ह़ेकॉ. पानपाटील करीत आहेत़
अपघातात वाहनचालक ठार, ट्रालाचालकाविरुद्ध गुन्हा
शिरपूरकडून सेंधव्याकडे जाणा:या भरधाव ट्रालाने (क्ऱआरजे 06-जीए 2639) समोरून येणा:या ट्रकला (क्ऱ आरजे 32-जी़बी 6090) जोरदार धडक दिली़
त्यात ट्रकचालक तेजपालसिंग उदलसिंग (रा़ घर नं़ 13, निमवाली परस बिचला बाजार, मगन पाना भिवानी, हरियाना) हा गंभीर जखमी झाल्याने त्याचा मृत्यू झाला, तर ट्रालाचालक जितेंद्रकुमार श्यामबिहारी ओझा (रा़ तिरछे, ता़ सुलतापूर, उत्तर प्रदेश) हा किरकोळ जखमी झाला़ तसेच दोन्ही वाहनांचे नुकसान झाल़े
हा अपघात गुरुवारी दुपारी 2़30 वाजेच्या सुमारास पनाखेड बसस्थानकासमोर झाला़
याप्रकरणी  सुरेंद्रसिंह प्रतापसिंह चौहान (रा़ नंगली बलाई, ता़ निमरान, जि़ अलवार, राजस्थान) यांनी शिरपूर तालुका पोलीस ठाण्यात फिर्याद दिली आह़े त्यावरून ट्रालाचालक जितेंद्रकुमार ओझा याच्याविरुद्ध भादंवि कलम 304 अ, 279, 337, 338, 427 व मोटार वाहन कायदा कलम 184 प्रमाणे गुन्हा दाखल झाला आह़े तपास पो़ह़ेकॉ. बाविस्कर करीत आहेत़