2016 मधिल बॉलिवूड स्टार्सचे स्कोरकार्ड

‘धोक्याचं वरिस’ समजले जाणारे २०१६ हे वर्ष बॉलिवूडसाठी ‘कभी खुशी गभी गम’ असे ठरले आहे. कारण या वर्षात काही स्टार्सना यशाच्या शिखरावर पोहोचता आले, तर काहींना अपयशाची

- Satish Dongare

‘धोक्याचं वरिस’ समजले जाणारे २०१६ हे वर्ष बॉलिवूडसाठी ‘कभी खुशी गभी गम’ असे ठरले आहे. कारण या वर्षात काही स्टार्सना यशाच्या शिखरावर पोहोचता आले, तर काहींना अपयशाची चव चाखावी लागली. जर या सेलिब्रेटींच्या स्कोरकार्डवर लक्ष वेधल्यास धक्कादायक निर्णय बघावयास मिळतील. विशेष म्हणजे खान त्रिकुटांच्या डिक्शनरीमधून ‘अपयश’ हा शब्द केव्हाच गहाळ झाल्याचे म्हटले जात असले तरी किंग खानला अपयशाचा सामना करावा लागला, तर दोन स्टार्सनी आपल्याच चित्रपटांचे रेकॉर्ड मोडून काढत नवा कीर्तिमान स्थापन केला. या सेलिब्रेटींच्या २०१६ मधील स्कोरकार्डवर टाकलेला हा दृष्टिक्षेप...

सलमान खान
सद्यस्थितीत निर्विवादपणे दबंग स्टार अर्थात सलमान खान बॉलिवूडचा नंबर वन स्टार आहे. कारण त्याचा चित्रपट येणार आणि कोट्यवधी रुपयांची लयलूट करून जाणार हेच सत्य आहे. चित्रपटाच्या शुटिंगपासून फॅन्स त्याच्या चित्रपटाची आतुरतेने वाट पाहत असतात. यावर्षी त्याच्या ‘सुल्तान’ या चित्रपटाने बॉक्स आॅफिसवर कमाईचे अनेक रेकॉर्ड तोडत इंडस्ट्रीमध्ये आपणच टॉपवर असल्याचे दाखवून दिले. २०१६ मध्ये एकमेव चित्रपट केलेल्या सलमानच्या ‘सुल्तान’ने ३००.४५ कोटी रुपयांची लयलूट केली. अर्थात नेहमीप्रमाणे या चित्रपटामुळेदेखील तो विवादात सापडला होता. प्रमोशनप्रसंगी त्याने केलेले वादग्रस्त वक्तव्य त्याच्या चांगलेच अंगलट आले होते.
ब्लॉकबस्टर :0१
सुपरहिट :00
हिट :00
सरासरी :00
फ्लॉप :00

शाहरूख खान
शाहरूखसाठी २०१६ हे वर्ष फारसे चांगले गेले नाही. कारण त्याच्या ‘फॅन’ या चित्रपटाने अपेक्षेप्रमाणे कमाई केली नसल्याने त्याला चांगलाच झटका बसला. ‘फॅन’च्या फ्लॉपमुळे त्याचा आत्मविश्वास एवढा खालावला की, त्याने सलमानच्या ‘सुल्तान’बरोबर ‘रईस’चा सामना करण्यास सपशेल नकार देत ‘रईस’ची तारीख पुढे ढकलली. त्यामुळे त्याच्या स्टारडमलादेखील धक्का बसला. या वर्षात रिलीज झालेल्या त्याच्या दुसऱ्या ‘डियर जिंदगी’ या चित्रपटात त्याने काही
तरी वेगळे करण्याचा प्रयत्न केला, मात्र त्याच्या नावाला साजेशी कमाई हा चित्रपट करू शकला नाही. करण जोहर याच्या ‘ऐ दिल है मुश्किल’ या चित्रपटात तो एका सीनमध्ये झळकला.
ब्लॉकबस्टर :00
सुपरहिट :00
हिट :0१
सरासरी :00
फ्लॉप :0१

हृतिक रोशन
हृतिक २०१६ या वर्षाला कदाचित कधीच स्मरणात ठेवणार नाही. कारण कंगना राणौतबरोबरच्या वादामुळे त्याच्या प्रतिष्ठेला धक्का पोहोचला असे म्हटले तर वावगे ठरणार नाही. त्यातच यावर्षी रिलीज झालेल्या ‘मोहेंजोदडो’ या चित्रपटाच्या फ्लॉपमुळे त्याला जबरदस्त धक्का सोसावा लागला. या चित्रपटासाठी त्याने प्रचंड मेहनत घेतली होती. मात्र बॉक्स आॅफिसवर चित्रपट असा काही आपटला की, हृतिक आणि चित्रपटाचा दिग्दर्शक आशुतोष गोवारीकर यांच्यात मतभेद निर्माण झाले. आता हृतिकला नव्या वर्षात काही तरी करिष्मा करावा लागेल. कारण रणवीर आणि वरुण धवनसारखे स्टार त्याच्या रांगेत येण्यासाठी काही पावलेच मागे आहेत.
ब्लॉकबस्टर :00
सुपरहिट :00
हिट :00
सरासरी :00
फ्लॉप :0१

अजय देवगण
गेल्या चार-पाच वर्षांपासून अजय देवगण हिट चित्रपटाच्या शोधात आहे. ‘सिंघम’
आणि ‘सिंघम रिर्टन्स’ या दोन चित्रपटांव्यतिरिक्त त्याला एकही सुपरहिट चित्रपट देता आला नाही. यावर्षी त्याचा ‘शिवाय’ हा चित्रपट रिलीज झाला. मात्र बॉक्स आॅफिसवर हिटचा दर्जा मिळवण्यासाठी त्याला चांगलीच धडपड करावी लागली. दिवाळीत रिलीज झालेल्या या चित्रपटाला करण जोहर याच्या ‘ऐ दिल
है मुश्किल’ या चित्रपटाशी सामना करावा लागला. मात्र त्यात तो अपयशी ठरला. रिलीजपूर्वीच करण आणि त्याच्यात कोल्डवॉर रंगले होते. ‘फितूर’मध्ये तो एक छोटीशी भूमिका साकारताना आपल्याला बघावयास मिळाला.
ब्लॉकबस्टर :00
सुपरहिट :00
हिट :00
सरासरी :0१
फ्लॉप :0१

अक्षयकुमार
अक्षयकुमार याच्याकरिता २०१६ हे वर्ष यशस्वी राहिले आहे. यावर्षी त्याचे तीन चित्रपट रिलीज झाले अन् तिन्ही चित्रपट हिट ठरल्याने त्याला तीनशे कोटी रुपयांच्या क्लबमध्ये स्थान मिळाले. मात्र त्याचा बॉलिवूडमधील प्रवास पाहता ही कमाई त्याच्या प्रतिष्ठेला शोभत नाही. कारण त्याचा हिट चित्रपट सवाशे कोटी रुपयांच्या पुढे जात नाही. त्याचे ‘रुस्तम’ व ‘एअरलिफ्ट’ सुपरहिट ठरले, तर ‘हाउसफुल’ने सरासरी कमाई केली.
ब्लॉकबस्टर :00
सुपरहिट :0२
हिट :00
सरासरी :0१
फ्लॉप :00

आमिर खान
मिस्टर परफेक्टनिस्ट म्हणून ओळखल्या जाणाऱ्या आमिर खानचा वर्षातून एकच चित्रपट रिलीज होत असतो अन् तोही शक्यतो वर्षाअखेरीसच रिलीज केला जातो. २०१६ मध्ये ख्रिसमसच्या पार्श्वभूमीवर रिलीज करण्यात आलेला त्याचा ‘दंगल’ या चित्रपट बॉक्स आॅफिसवर धूम उडवित आहे.
ब्लॉकबस्टर :0१
सुपरहिट :00
हिट :00
सरासरी :00
फ्लॉप :00

दीपिका पादुकोण
बॉलिवूडमधील आघाडीची अभिनेत्री असलेल्या दीपिका पादुकोणचा यावर्षी केवळ एकच चित्रपट आला. ‘पिकू’मध्ये ती महानायक अमिताभ बच्चन यांच्यासोबत झळकली. हा चित्रपट बॉक्स आॅफिसवर हिट ठरला. तसेच अनेक पुरस्कारही चित्रपटाने नावावर करून घेतले. या वर्षात दीपिका तिचा पहिला हॉलिवूडपट ‘ट्रिपल एक्स- द रिटर्न आॅफ जेंडर केज’ या चित्रपटामुळेच अधिक चर्चेत राहिली. जानेवारी २०१७ मध्ये हा चित्रपट रिलीज होणार आहे.
ब्लॉकबस्टर :00
सुपरहिट :00
हिट :0१
सरासरी :00
फ्लॉप :00

प्रियंका चोपडा
बॉलिवूडमध्ये २०१६ हे वर्ष प्रियंकासाठी चांगले ठरले नसले तरी हॉलिवूडमध्ये ती यावर्षात यशाचा टप्पा सर करताना बघावयास मिळाली. या वर्षात फक्त एक चित्रपट रिलीज झाला. हॉलिवूडमध्ये ‘बेवॉच’ व अमेरिकन सिरियल ‘क्वांटिको’मुळे ती चर्चेत राहिली.
ब्लॉकबस्टर :00
सुपरहिट :00
हिट :00
सरासरी :00
फ्लॉप :0१

कॅटरिना कैफ
२०१६ हे वर्ष कॅटरिनासाठी खूपच दु:खदायक ठरले. बॉयफ्रेंड रणबीर कपूरबरोबरचे संबंध संपुष्टात आले. वर्षाच्या सुरुवातीलाच रिलीज झालेला ‘फितूर’ हा चित्रपट फारसा करिष्मा दाखवू शकला नाही. त्याचबरोबर सिद्धार्थ मल्होत्रासोबतचा ‘बार बार देखो’ ही प्रेक्षकांनी नाकारला.

ब्लॉकबस्टर :00
सुपरहिट :00
हिट :00
सरासरी :00
फ्लॉप :0२

अनुष्का शर्मा
तिन्ही खानसोबत काम करण्याची संधी मिळालेल्या अनुष्का शर्मा हिच्यासाठी २०१६ हे वर्ष खूपच लकी ठरले. सलमानसोबतच्या ‘सुल्तान या चित्रपटाने बॉक्स आॅफिसवर धूम उडवून दिली, तर ‘ऐ दिल है मुश्किल’ या चित्रपटाने सरासरी यश मिळवले.
ब्लॉकबस्टर :0१
सुपरहिट :00
हिट :00
सरासरी :0१
फ्लॉप :00

अमिताभ बच्चन
सत्तर प्लस एवढे वय असतानाही महानायक अमिताभ बच्चन नेहमीच बॉलिवूडच्या रेसमध्ये असतात. केवळ अभिनयाच्या जोरावर ते प्रेक्षकांच्या मनात घर करून असल्याने आजही त्यांचे चित्रपट कोटीच्या क्लबमध्ये स्थान मिळवत आहेत. मात्र २०१६ हे वर्ष त्यांच्यासाठी ‘कभी खुशी कभी गम’ असेच राहिले आहे. कारण ‘वजीर’ आणि ‘तीन’ या चित्रपटातून त्यांना फ्लॉपचा सामना केला, तर ‘पिंक’ बॉक्स आॅफिसवर हिट ठरला. पिंकमधील अभिनयाचे कौतुक झाले़
ब्लॉकबस्टर :00
सुपरहिट :00
हिट :0१
सरासरी :00
फ्लॉप : 0२