मुंबई विद्यापीठाच्या IDOL अभ्यासक्रमांसाठी प्रवेश सुरू; पाहा अर्जाची फी, तारखा अन् लिंक

मुंबई विद्यापीठाचे IDOL अभ्यासक्रम हे दूरस्थ पद्धतीने उच्च शिक्षण घेऊ इच्छिणाऱ्या विद्यार्थ्यांसाठी आहेत. मुंबई विद्यापीठाच्या अधिकृत वेबसाइटवर उपलब्ध ऑनलाइन अर्ज प्रक्रियेद्वारे उमेदवार IDOL मध्ये प्रवेशासाठी नोंदणी करू शकतात.

मुंबई विद्यापीठाच्या दूरस्थ शिक्षण (distance learning) कार्यक्रमांचे प्रवेश आता सुरू झाले आहेत. IDOL अभ्यासक्रमांसाठी अधिकृत वेबसाइट असलेल्या old.mu.ac.in वर जाऊन उमेदवार अर्ज करू शकतात. मुंबई विद्यापीठाच्या IDOL अभ्यासक्रमांच्या प्रवेशासाठी अर्ज करण्याची प्रक्रिया २४ जून २०२२ पासूनच सुरू झाली आहे. खालील तक्त्यामध्ये नमूद केलेल्या कार्यक्रमांमध्ये प्रवेश घेऊ इच्छिणारे उमेदवार ३० जुलै २०२२ पर्यंत अर्ज करू शकतात.

मुंबई विद्यापीठाचे IDOL अभ्यासक्रम हे दूरस्थ पद्धतीने उच्च शिक्षण घेऊ इच्छिणाऱ्या विद्यार्थ्यांसाठी आहेत. मुंबई विद्यापीठाच्या अधिकृत वेबसाइटवर उपलब्ध ऑनलाइन अर्ज प्रक्रियेद्वारे उमेदवार IDOL मध्ये प्रवेशासाठी नोंदणी करू शकतात. IDOL अभ्याक्रमासाठी मुंबई विद्यापीठाच्या पदवीपूर्व (UG), पदव्युत्तर (PG) आणि PG डिप्लोमा प्रोग्राममध्ये थेट प्रवेश दिला जाईल. IDOL अभ्यासक्रमांतील विविध अभ्यासक्रमांसाठी अर्जाचे शुल्क ३०० रूपयांपासून ते ६०० पर्यंत असे वेगवेगळे आहे.

नवीन नोंदणीसाठी येथे अर्ज करा: http://idoloa.digitaluniversity.ac/

प्रवेश घेणाऱ्यांसाठी किंवा पुन्हा प्रवेश घेणाऱ्यांसाठी (रिपीटर) अर्जासंबंधी सूचना येथे पाहा: http://old.mu.ac.in/distance-open-learning/

मुंबई विद्यापीठाचे IDOL अभ्यासक्रम-

मुंबई युनिव्हर्सिटी इन्स्टिट्यूट ऑफ डिस्टन्स अँड ऑनलाइन कोर्सेस खालील अभ्यासक्रमांच्या प्रवेशासाठी अर्ज मागवत आहेत.

अभ्यासक्रम

बी. ए. - प्रथम/द्वितीय आणि तृतीय वर्ष*. (CBCS सेमिस्टर पद्धत), बी. कॉम. - प्रथम / द्वितीय आणि तृतीय वर्ष. (CBCS सेमिस्टर पद्धत), बी. कॉम (लेखा आणि वित्त) - प्रथम आणि द्वितीय वर्ष (CBCS सेमिस्टर पद्धत), बी एससी. (माहिती तंत्रज्ञान) प्रथम / द्वितीय आणि तृतीय वर्ष (CBCS सेमिस्टर पद्धत), बी. एससी. (संगणक विज्ञान) - प्रथम आणि द्वितीय वर्ष (CBCS सेमिस्टर पद्धत) *या वर्षापासून TYBA मध्ये मानसशास्त्रमध्ये सेमिस्टर पद्धतीसह सहा पेपर (मेजर्स) असतील.

एम. ए. भाग-१ आणि २ (इतिहास, समाजशास्त्र, अर्थशास्त्र, राज्यशास्त्र, मराठी, हिंदी, इंग्रजी) (CBCS सेमिस्टर पद्धत) एम. ए. भाग-१ आणि २ (भूगोल) CBCS सेमिस्टर पद्धत, एम. ए. भाग-१ आणि २ (शिक्षण) - (CBCS सेमिस्टर पद्धत) एम. कॉम भाग-१ आणि २ (लेखा / व्यवस्थापन) - (CBCS सेमिस्टर पद्धत) एम. एससी. भाग-१ आणि २ (गणित)-, (CBCS सेमिस्टर पद्धती) एम. एससी. भाग-१ आणि २ (माहिती तंत्रज्ञान) - (CBCS सेमिस्टर पद्धती) एम. एससी. भाग-I आणि II संगणक- विज्ञान- (CBCS सेमिस्टर पॅटर्न)

MCA तृतीय वर्ष (CBCS सेमिस्टर पद्धत) तीन वर्षांचा अभ्यासक्रम

आर्थिक व्यवस्थापन पदव्युत्तर पदविका (सेमिस्टर १ आणि २)

> बी. एससी. अभ्यासक्रमाच्या प्रवेशासाठी उमेदवाराने भौतिकशास्त्र, रसायनशास्त्र आणि गणित या विषयात एकूण ४५% गुणांसह १०+२ (दहावी+२) उत्तीर्ण असणे आवश्यक आहे.

> बी. एससी. द्वितीय आणि तृतीय वर्षाच्या अभ्यासक्रमात प्रवेशासाठी, उमेदवाराने प्रथम वर्ष बी. एससी. सह १०+२ (दहावी+२) उत्तीर्ण असणे आवश्यक आहे. परीक्षा आणि तृतीय वर्ष प्रवेशासाठी उमेदवाराने कोणत्याही मान्यताप्राप्त विद्यापीठातून द्वितीय वर्षासह १०+२ उत्तीर्ण असणे आवश्यक आहे.

> बी. ए. आणि बी. कॉम अभ्यासक्रमांसाठी प्रवेश मिळवण्यासाठी उमेदवाराने कोणत्याही मान्यताप्राप्त बोर्डातून 10+2 (दहावी+ २) उत्तीर्ण असणे आवश्यक आहे.

> एम. ए. आणि एम. कॉम. अभ्यासक्रमात प्रवेश घेण्यासाठी उमेदवाराने कोणत्याही मान्यताप्राप्त विद्यापीठातून पदवी उत्तीर्ण करणे आवश्यक आहे.

> एम. एससी. अभ्यासक्रमात प्रवेश मिळण्यासाठी उमेदवाराने कोणत्याही मान्यताप्राप्त विद्यापीठातून बी. एससी. उत्तीर्ण असणे आवश्यक आहे.

मुंबई विद्यापीठ IDOL अभ्यासक्रम: ठळक वैशिष्ट्ये

> UGC NAAC ने मुंबई विद्यापीठाला ५ स्टार मानांकन दिले आहे.

> मुंबई विद्यापीठ हे जगातील सर्वोत्तम ५०० उत्कृष्ट क्षमता असलेल्या विद्यापीठांपैकी एक आहे.

> अभ्यासक्रमाची सामग्री, परीक्षेची पद्धत आणि प्रदान करण्यात येणारी पदवी मुंबई विद्यापीठाशी संलग्न असलेल्या इतर महाविद्यालयांना लागू असेल.

> इंग्रजीमध्ये २४० विषयांमध्ये छापील अभ्यास साहित्य उपलब्ध आहे. (निवडक विषयांचे साहित्य मराठीतही उपलब्ध आहे)

> इंटरनेट आणि IVRS: प्रवेश, परीक्षेचा फॉर्म सुपूर्द करण्याची तारीख, परीक्षेचे वेळापत्रक, तारखा, केंद्र, परीक्षेचा निकाल आणि मार्गदर्शन व्याख्याने या विषयीची माहिती http//www.mu.ac.in या वेबसाइटवर प्रसिद्ध केली जाते.

> विद्यानगरी येथे असलेल्या ऑडिओ-व्हिज्युअल सेंटरमध्ये (दृक-श्राव्य) अभ्यासक्रमावर आधारित साहित्य ऐकण्याची आणि पाहण्याची सुविधा मिळते.

> जागतिक स्तरावर नावजलेले: दरवर्षी सुमारे ७०० विद्यार्थी उच्च शिक्षणासाठी परदेशात गेले आहेत.

> वैयक्तिक संपर्क कार्यक्रम (P.C.P.): मुंबई आणि आसपासच्या जवळपास ६० केंद्रांवर दरवर्षी मार्गदर्शन व्याख्याने आयोजित केली जातात.

मुंबई विद्यापीठाच्या IDOL अर्ज भरण्यासाठीचे शुल्क

विविध IDOL अभ्यासक्रमांचे अर्ज शुल्क खालीलप्रमाणे-

अभ्यासक्रम	शुल्क
प्रथम वर्ष आणि द्वितीय वर्ष बी. ए. / बी. एससी. / बी. कॉम.	रुपये 330
तृतीय वर्ष बी. ए. / बी. एससी. / बी. कॉम.	रुपये 580
प्रथम वर्ष एम. ए. / एम. एससी. / एम. कॉम.	रुपये 330
द्वितीय वर्ष एम. ए. / एम. एससी. / एम. कॉम.	रुपये 580
प्रथम आणि द्वितीय वर्ष M.C.A.	रुपये 330
तृतीय वर्ष M.C.A.	रुपये 580

 

मुंबई विद्यापीठ IDOL अर्ज प्रक्रिया-

मुंबई विद्यापीठ IDOL मध्ये प्रवेशासाठी अर्ज करण्याची प्रक्रिया खाली नमूद केली आहे.

१. इन्स्टिट्यूट ऑफ डिस्टन्स अँड ओपन लर्निंग या मुंबई विद्यापीठाच्या ऑनलाइन अर्ज पोर्टलला भेट द्या. (idoloa.digitaluniversity.ac).

२. त्या पेजवर दिसणार्‍या ‘प्रवेश’ (Admission) टॅबवर क्लिक करा.

३. स्क्रीनवर उघडणाऱ्या पुढील विंडोवर 'नोंदणी करा' (Register) वर क्लिक करा.

४. संपूर्ण नोंदणी फॉर्म भरा आणि एक ‘User ID’ आणि ‘पासवर्ड’ तयार करा. तो पुढे ऑनलाइन अर्ज भरण्यासाठी वापरला जाईल.

५. नोंदणी फॉर्म भरल्यानंतर 'सबमिट' (Submit) वर क्लिक करा आणि नोंदणी दरम्यान तयार केलेल्या ‘User ID’ आणि ‘पासवर्ड’ सह लॉग इन करा.

६. अर्ज भरा, अर्ज शुल्क भरा. सर्व आवश्यक कागदपत्रे संलग्न (Attach) करा आणि फॉर्म सबमिट करा.

टीप: द्वितीय वर्ष आणि तृतीय वर्षाला प्रवेश घेऊ इच्छिणाऱ्यांनी विद्यानगरी कॅम्पस येथे IDOL अभ्यासक्रमातून अर्ज प्राप्त करणे आवश्यक आहे.

मुंबई विद्यापीठाच्या IDOL अभ्यासक्रमासाठी अर्ज पूर्ण करण्यासाठी आवश्यक कागदपत्रे-

मुंबई विद्यापीठाच्या IDOL अभ्यासक्रमासाठी ऑनलाइन अर्ज’ सुरू करण्यापूर्वी उमेदवाराने त्याच्याकडे खाली नमूद केलेली माहिती असल्याची खात्री करणे आवश्यक आहे:

> अर्जदाराचा सुरू असलेला ई-मेल आयडी आणि मोबाईल नंबर. [यांचा उपयोग टू स्टेप व्हेरिफिकेशन (TSVP) आणि विद्यापीठाकडून भविष्यातील सर्व संप्रेषणांसाठी होईल.

> अर्जदाराच्या पासपोर्ट आकाराच्या रंगीत छायाचित्राची स्कॅन केलेली कॉपी (७२ ते १५० dpi सह, पांढऱ्या पार्श्वभूमीवर फोटो काढावा, 45 मिमी उंच आणि 35 मिमी रुंद असे छायाचित्र स्वीकारले जाईल)

> अर्जदाराची पांढऱ्या कागदावर स्कॅन केलेली स्वाक्षरी

> पुढील संवादासाठी निवासी पत्ता / पत्त्याचा अचूक तपशील

> शेवटच्या पात्रता परीक्षेची आवश्यक गुणपत्रिका आणि प्रमाणपत्रे

> जातीचे प्रमाणपत्र (लागू असल्यास)

> विद्यापीठाने दिलेला User ID आणि पासवर्ड हे महत्त्वाचे शैक्षणिक क्रेडेन्शियल्स असल्याने, अर्जदारांना तसेच विद्यार्थ्यांना भविष्यातील सर्व गरजांसाठी ते जपून ठेवण्याची आणि लक्षात ठेवण्याची सूचना आहे.

> उमेदवारांनी प्रवेश अर्ज, फी भरण्याची पावती, स्टडी मटेरियल कलेक्शन फॉर्म, ओळखपत्र प्रिंटआउट्स जपून ठेवावेत. जेव्हा आवश्यक असेल तेव्हा IDOL द्वारे त्याची विचारणा केली जाईल.

> जे उमेदवार महाराष्ट्र राज्य बोर्ड किंवा मुंबई विद्यापीठा व्यतिरिक्त इतर विद्यापीठातून उत्तीर्ण झालेल्या पात्रता परीक्षेच्या आधारे अर्ज करत आहेत, त्यांनी पेमेंट करण्यापूर्वी IDOL पात्रता युनिटकडून मान्यता घेणे आवश्यक आहे.

> फक्त ऑनलाइन पेमेंट स्वीकारले जाईल.

मुंबई विद्यापीठाची IDOL शिष्यवृत्ती-

मुंबई विद्यापीठाची दूर आणि मुक्त शिक्षण संस्था पात्र उमेदवारांना शिष्यवृत्ती देते. विद्यापीठ आरक्षित श्रेणीतील उमेदवारांना (SC/ST/OBC/VJ-NT/SBC) सरकारी शिष्यवृत्ती (निवडक अभ्यासक्रमांसाठी उपलब्ध) देखील देते.

इच्छुक आणि पात्र अर्जदारांनी या अर्ज सबमिट करण्यासाठी विद्यापीठाच्या अधिकृत वेबसाइट (समाज कल्याण वेबसाइट- mahadbt.gov.in) द्वारे अर्ज करणे आवश्यक आहे. ST विद्यार्थी आदिवासी कल्याण विभागाच्या वेबसाइटद्वारे (etribal.maharashtra.gov.in) अर्ज करू शकतात.

मुंबई विद्यापीठ IDOL अभ्यास साहित्य 2022

मुंबई विद्यापीठ हे 2022 वर्षातील विद्यापीठातील विद्यार्थ्यांना डिजिटल शिक्षण साहित्य प्रदान करते. छापील पुस्तके वापरण्याऐवजी मुंबई विद्यापीठाचे IDOL 

अभ्यास साहित्य परीक्षेची तयारी करताना खूप उपयुक्त आहे. कारण त्यात सर्व नोट्स आहेत आणि संपूर्ण अभ्यासक्रमाचा समावेश आहे.