सोलापूर विद्यापीठ निवडणूक: महाविद्यालय शिक्षकांचा निकाल जाहीर

खुल्या प्रवर्गासाठी एकूण ९२६ मते, त्यातील २२ मते बाद

बाळकृष्ण दोड्डी, सोलापूर: पुण्यश्लोक अहिल्यादेवी होळकर सोलापूर विद्यापीठाच्या सिनेटच्या महाविद्यालय शिक्षकांचा निकाल जाहीर झाला. खुल्या प्रवर्गासाठी एकूण 926 मते होती, त्यातील 22 मध्ये बाद झाली. खुल्या प्रवर्गासाठी मतांचा कोटा 151 इतका होता. त्यामधून डॉ. वंदना गवळी, डॉ. भगवान आदटराव, डॉ. शिरीष भोसले, डॉ. वीरभद्र दंडे आणि डॉ. समाधान पवार हे निवडून आले आहेत. डॉ. गोवर्धन दिकोंडा, डॉ. रमेश मुळीक, डॉ. प्रशांत पवार, डॉ राजकुमार सोनवले आणि डॉ. रवींद्र व्यवहारे यांचा पराभव झाला. महिला प्रवर्गातून डॉ. एस ए. गायकवाड यांचा विजय झाला तर विद्याराणी क्षीरसागर यांचा पराभव झाला.

गायकवाड यांना 588 तर क्षीरसागर यांना 269 मते मिळाली. डी टी एन टी प्रवर्गातून डॉ. सुशील शिंदे यांनी डॉ. भूपाल पाटील यांचा पराभव केला. शिंदे हे 497 मते घेऊन विजयी झाले. अनुसूचित जाती प्रवर्गातून डॉ. शिरीष शिंदे यांनी डॉ. संजय गायकवाड यांचा पराभव केला. शिंदे यांना 523 तर गायकवाड यांना 333 मते मिळाली. ओबीसी प्रवर्गातून डॉ जैनुद्दीन मुल्ला हे 537 मध्ये घेऊन विजयी झाले. डॉ मल्लिनाथ कलशेट्टी यांचा (329 मते) यांचा पराभव झाला.