North goa Lok Sabha Election Results 2024 - Latest Marathi News | North goa Election Result 2024 | उत्तर गोवा लोकसभा निवडणूक निकाल 2024 , ताज्या मराठी बातम्या | Goa Election Results & Live Counting

लोकमत न्यूज नेटवर्क, मोपा : विद्यमान खासदारांनी इब्रामपूर गावच्या विकासासाठी गाव दत्तक घेतले; पण विकास झालाच नाही. त्याला जमिनीचे ना हरकत दाखले मिळत नसल्याचे सांगण्यात आले; पण मोपा मनोहर आंतरराष्ट्रीय विमानतळासाठी सरकारने शेतकऱ्यांकडून जमीन हडप केली, तेव्हा जमीन कशी मिळाली, असा प्रश्न गोवा काँग्रेस प्रदेशाध्यक्ष अॅड. अमित पाटकर यांनी उपस्थित केला.पाटकर पुढे म्हणाले, पंचवीस वर्षे खासदार असलेल्या खासदाराने म्हादईबाबतच नव्हे, तर केंद्राशी निगडित असलेल्या पेडणे तालुक्यातील एकाही प्रश्नाला वाचा फोडली नाही. मौनी बाबापेक्षा अभ्यासू वृत्तीचा उमेदवार नक्कीच चांगला, असेही ते म्हणाले.नागझर पेडणे येथील स्वातंत्र्यसैनिक नाना शेट भेंडाळकर सभागृहात आयोजित सभेत पाटकर बोलत होते. यावेळी इंडिया आघाडीचे उमेदवार अॅड. रमाकांत खलप, आमदार कार्ल्स फेरेरा, डॉ. प्रमोद साळगावकर, बिना नाईक, माजी मंत्री अॅड चंद्रकांत चोडणकर, गोवा फॉरवर्डचे दीपक कळंगुटकर, आपचे पुंडलिक धारगळकर, मिलाग्रिना फर्नांडिस, पेडणे काँग्रेसचे अध्यक्ष कृष्णा नाईक, शिवसेनेचे सुभाष केरकर, उत्तर गोवा काँग्रेसचे सरचिटणीस प्रणव परब व इतर मान्यवर मान्यवर उपस्थित होते.उत्तर गोवा लोकसभा मतदारसंघाचे समन्वयक आणि हळदोणेचे आमदार अॅड. कार्लस फेरेरा म्हणाले, सत्ता तुमच्याकडे आहे, खासदाराकडे नाही. मतदान केल्यास खासदाराला हा अधिकार द्या. खलप हे खरे सिंह आहेत, ते जनतेचा आवाज लोकसभेत पोहोचवतील, असेही फेरेरा म्हणाले. डॉ. प्रमोद साळगावकर, बिना नाईक, अॅड. जितेंद्र गावकर, प्रणव परब, गोवा फॉरवर्डचे दीपक कळंगुटकर, आम आदमीचे पुंडलिक धारगळकर, जगन्नाथ नाईक देसाई, प्रणव परब या सर्वांनी उपस्थितांना भाषणातून मार्गदर्शन केले. मिलाग्रीन फर्नांडिस, कृष्णा नाईक आदींनी मान्यवरांना पुष्पगुच्छ दिले. सखाराम परब यांनी सूत्रसंचालन केले. कृष्णा नाईक यांनी आभार मानले.भूमिपुत्रांची दिशाभूलसरकारच्या अनास्थेमुळे शेतकऱ्यांच्या जमिनी गेल्या आणि येथील युवकांना नोकऱ्याही मिळल्या नाहीत. मात्र परराज्यातील लोकांना नोकऱ्या मिळाल्या. यापुढे विमानतळ चालवणाऱ्या कंपनीस स्थानिकांना नोकऱ्या देण्यास भाग पाडू, असा इशारा यावेळी देण्यात आला. तसेच महामार्ग बनविनाता अनेक त्रुटी आहेत. त्यात सुधारणा घडवून आणली जाईल. आराखड्यात बदल केला जाईल. यावेळी उपस्थीतांनी टाळ्या वाजवून प्रतिसाद दिला. यावेळी मोठ्या संख्येने पेडणे तालुक्यातील नागरिक उपस्थित होते.भूमिपुत्र, बेरोजगारांची दिशाभूल केली : खलपमोपा पठारावर जेव्हा बॉक्साइट खाण सुरू केली, तर त्यामुळे सर्व उद्ध्वस्त होणार म्हणून त्याला आम्ही प्रखरपणे विरोध केला. मोपा विमानतळ व आयुष इस्पितळात युवकांना रोजगार मिळणार, अशी आशा होती. पण, सरकारच्या अनास्थेमुळे शेतकऱ्यांच्या जमिनी गेल्या आणि येथील युवकांना नोकऱ्याही मिळल्या नाहीत. मात्र, परराज्यातील लोकांना नोकऱ्या मिळाल्या. चार पदरी महामार्गावर आवश्यक ठिकाणी उड्डाण पूल, भूमिगत रस्ते न ठेवल्याने कित्येक बळी जात आहेत. महामार्गाने प्रवास करताना कंबरडे मोडते, याकडे अॅड. रमाकांत खलप यांनी लक्ष वेधले. पेडणे तालुक्याशी माझे जवळचे संबंध असून पेडणे माझ्या हृदयात आहे, असे उद्गार खलप यांनी काढले.

North Goa Constituency

लोकसभा निवडणूक 2024 निकाल

लोकसभा चुनाव 2024 परिणाम

Lok Sabha Election 2024 Results

Key Candidates - North Goa

News North Goa

गोवा :म्हापसा अर्बनच्या फाईल्स खुल्या कराच; काँग्रेसचे उमेदवार खलप यांचे आव्हान

चौकशीस सामोरे जाण्यास तयार ...

गोवा :अमित शाह यांच्या सभेसाठी दोन मंत्री, आमदारांवर विशेष जबाबदारी

३५ हजार लोक जमविण्याचे लक्ष्य; नेत्यांनी कसली कंबर ...

गोवा :'म्हादईप्रश्नी श्रीपाद नाईक यांनी राजीनामा देण्याचे धाडस का दाखवले नाही?'

रमाकांत खलप यांचा सवाल ...

गोवा :पंतप्रधान मोदींची आज सांकवाळला सभा

या सभेची सर्व तयारी पूर्ण झाली आहे. वाहतूक अन्य मार्गावर वळवली जाईल. ...

गोवा :मतदान कमी होता कामा नये!: बी.एल.संतोष; कोअर टीमसह आमदार, पदाधिकाऱ्यांना सूचना

८० टक्के मते आणण्याचे 'टार्गेट' याआधीच आमदारांना देण्यात आलेले आहे. ...

गोवा :बी. एल. संतोष आमदारांच्या बैठकीत घेणार निवडणूक तयारीचा आढावा, सदानंद तानावडे यांची माहिती

गोवा :पंतप्रधानांच्या सभेसाठी जय्यत तयारी; ५० हजारांपेक्षा जास्त लोक येण्याचा भाजपाचा दावा

लोकांची मोठी उपस्थिती लाभण्याचा भाजप प्रदेशाध्यक्ष तानावडे यांचा दावा ...

गोवा :...तर 'मोपा'साठी जमीन कशी मिळाली?; अमित पाटकरांचा सवाल

दाखल्याविना विकास रखडल्याच्या बाता खोट्या ...