Maharashtra Vidhan Sabha Election 2024 | Maharashtra Assembly Election 2024 | Assembly Election 2024 Live Updates | Maharashtra Vidhan Sabha, Assembly Election 2024 Result | महाराष्ट्र विधानसभा निवडणूक 2024

यंदाची विधानसभा निवडणूक भारंभार जाहिराती, फोन-व्हिडीओद्वारे डिजिटली प्रचार अशा हायटेक प्रचारावर झाली आहे. आज प्रचार संपला. राज्यातील सर्वात लक्षवेधी ठरणारा मतदारसंघ असलेल्या बारामतीत मोठी फाईट होत आहे. अजित पवार कधी नव्हे ते गावागावात प्रचार करत फिरत होते. तर शरद पवार , युगेंद्र पवार व संपूर्ण पवार कुटुंबीय गावोगावी प्रचार करत होते. यामुळे आता बारामतीकरांच्या मनात काय आहे, याचा कोणालाच थांगपत्ता लागू शकत नाही अशी परिस्थिती निर्माण झाली आहे. अनेक बारामतीकरांनी दोन्ही पवार आपलेच, कोणाला दुखवायचे असा प्रश्न असल्याचे म्हटले आहे. परंतू या लोकांना कोणत्यातरी एका पवारांना नाराज करावे लागणार आहे. अजित पवारांनी जवळपास ७० ते ८० गावांमध्ये प्रचार केला आहे. उमेदवारी अर्ज भरण्यासाठी आणि शेवटच्या प्रचारसभेसाठी येणारे अजित पवार दिवाळीपासून मतदारसंघातच अडकले गेले होते. तर शरद पवारांनी बारामतीत दिवाळी काळात प्रचार करत आता तुमच्यावर जबाबदारी टाकतो, मी पुन्हा बारामतीत येणार नाही, राज्याच्या दौऱ्यावर जाणार असे सांगत बारामतीकरांवर पुढची जबाबदारी टाकली होती. एकंदरीतच पवार कुटुंबीय युगेंद्र पवारांच्या बाजुने गावोगावी फिरत प्रचार करत होते. तर अजित पवार यांचे कुटुंबीय अजित पवारांचा प्रचार करत फिरत होते. दोन्ही पवार जिवाभावाचे असल्याने बारामतीकर यंदा प्रचंड शांत आहेत. दोन्ही पवारांच्या सभांना गर्दी पहायला मिळाली. कोणाचे पारडे जड यावर बारामतीकरांनी काहीच सांगता येत नाहीय, दोन्ही पवार गावोगावी फिरत होते, दोघांच्याही सभांना गर्दी तेवढीच दिसत होती, असे सांगत आहेत. अजित पवार जिंकणार की युगेंद पवार या प्रश्नाचे उत्तर हे मतदार आता २० तारखेलाच देणार आहेत. ज्याचा निकाल २३ तारखेला बाहेर येणार आहे. परंतू, एकंदरीतच बारामती अंडरकरंट आहे. अटीतटीची लढाई यावेळी बारामतीत पहायला मिळणार आहे. अजित पवारांची जमेची बाजू...शरद पवारांवर अजित पवारांनी थेट टीका, थोरल्या पवारांवर प्रेम करणाऱ्या बारामतीकरांना खटकतील असे शब्द वापरले नाहीत. याऐवजी शरद पवारांचे निवृत्तीच्या वक्तव्याचा आधार घेत अजित पवारांनी साहेबांनंतर मीच तुमच्यासाठी उभा असणार, कोणतेही काम करण्याची ताकद माझ्यात आहे अशी साद मतदारांना घातली. गावोगावी गाव पुढारी नाराज असले तरी अजितदादांनी बैठका घेतल्या. परंतू, स्वत:वर नियंत्रण ठेवून अजित पवारांनी शरद पवारांना फारशी संधी दिली नाही.युगेंद्र पवारांची जमेची बाजू...युगेंद्र पवार हे गेल्या वर्षभरापासून तयारीला लागले होते. यामुळे ते पूर्णपणे शरद पवारांच्या ताकदीवरच अवलंबून होते. शरद पवारांचा उमेदवार म्हणून लोक युगेंद्र पवारांच्या सभांना येत होते. बारामतीला राज्याच्या, देशाच्या राजकारणात मोठी ओळख दिली त्या पवार कुटुंबाचा चेहरा ही एकच जमेची बाजू आहे.

Baramati Assembly Election 2024 - News

महाराष्ट्र :आईवरील उपचार थांबवून त्यांनी...; श्रीनिवास पवारांचा अजित पवारांवर मोठा आरोप

पुणे :'त्या' शोरूममध्ये काहीच आढळलं नाही; श्रीनिवास पवारांचा अजित पवारांवर निशाणा

महाराष्ट्र :बारामतीत नाट्यमय घडामोडी, युगेंद्र पवारांच्या वडिलांच्या शोरुममध्ये पोलिसांची शोध मोहीम!

महाराष्ट्र :खोटे आरोप करून सहानुभूती मिळवायचा प्रयत्न : अजित पवार

बारामतीकरांनी मला लोकसभेला जोरात झटका दिला, पाठीमागे मी एकटाच पडलो होतो, असे अजित पवार म्हणाले. ...

पुणे :...मग सत्ताधारी कोणासाठी राज्य चालवतात?; शरद पवार यांचा सवाल

बारामती येथे महाविकास आघाडीचे उमेदवार युगेंद्र पवार यांच्या प्रचारार्थ आयोजित सांगता सभेत ते बोलत होते. ...

पुणे :“अजितवर अन्याय, तो काय सोसतोय हे मला माहिती आहे”; आई आशाताई पवारांचा पत्राद्वारे संवाद

पुणे :खोटे आरोप करुन सहानुभती मिळवण्याचा प्रयत्न; टेक्सटाइल प्रकरणावरुन अजित पवारांचा विरोधकांवर निशाणा

प्रतिभा काकी मला आईसारख्या आहेत. घरातल्यांबाबत असे होईल का? अजित पवारांचा सवाल ...

महाराष्ट्र :यंदा बारामती अंडरकरंट! दोन्ही पवारांच्या सभांना तोबा गर्दी, कोणालाच थांगपत्ता लागेना...