Maharashtra Vidhan Sabha Election 2024 | Maharashtra Assembly Election 2024 | Assembly Election 2024 Live Updates | Maharashtra Vidhan Sabha, Assembly Election 2024 Result | महाराष्ट्र विधानसभा निवडणूक 2024

मुंबई - विधानसभा निवडणुकीच्या घोषणेनंतर जागावाटप आणि उमेदवार यादीच्या तयारीसाठी राजकीय पक्षांमध्ये लगबग सुरू आहे. महायुतीचं जागावाटप अद्याप निश्चित झालं नसलं तरी भाजपाने ९९ जणांनी पहिली यादी जाहीर केली आहे. मात्र नांदगाव -मनमाड मतदारसंघात महायुतीतील शिवसेना आणि राष्ट्रवादी यांच्यातील वाद विकोपाला पोहचला आहे. याठिकाणी विद्यमान शिंदे गटाचे आमदार सुहास कांदे यांच्याविरोधात राष्ट्रवादी कार्यकर्त्यांनी मुंबई गाठली. उपमुख्यमंत्री अजित पवार यांच्या देवगिरी बंगल्याबाहेर आज मोठ्या प्रमाणात कार्यकर्ते जमले होते. नांदगाव मनमाड विधानसभा मतदार संघात विद्यमान आमदारांच्या उमेदवारीला विरोध करत NCP कार्यकर्ते आणि पदाधिकारी यांनी थेट अजित पवारांचं निवासस्थान गाठत कैफियत मांडली. उपमुख्यमंत्री अजित पवार यांची भेट घेऊन राष्ट्रवादी काँग्रेसला ही जागा देण्यात यावी या मागणीसाठी जवळपास २०० हून अधिक कार्यकर्ते देवगिरी या निवासस्थानी दाखल झाले. नांदगावची जागा राष्ट्रवादीला मिळावी अथवा येथील शिवसेनेने उमेदवार बदलावा अशी कार्यकर्त्यांची मागणी आहे. पंरतु, शिंदेंच्या शिवसेनेने विद्यमान आमदार सुहास कांदेंना उमेदवारी दिली तर आम्ही काम करणार नाही अशी भूमिका कार्यकर्त्यांनी दादांसमोर मांडली. नांदगाव मनमाड येथील जनता विद्यमान आमदारांना त्रस्त आहे. मतदारसंघातील जनता दहशतीत असून या जागेवर राष्ट्रवादी काँग्रेस पार्टीने लढले पाहिजे असं जनतेची मागणी आहे असा दावा पदाधिकाऱ्यांकडून करण्यात आला. या मतदारसंघातून राष्ट्रवादी काँग्रेस पार्टीचे नेते समीर भुजबळ यांनी लढावे अशी मागणी होत आहे. जनता नाराज असलेल्याला उमेदवारी देणे चूक ठरेल असं कार्यकर्त्यांनी म्हटलं. मागील काही दिवसांपासून समीर भुजबळ नांदगाव मतदारसंघात लढण्याची तयारी करत आहेत. त्यात छगन भुजबळांनीही नांदगाव मतदारसंघासाठी समीर भुजबळांना शुभेच्छा दिल्या होत्या. आज देवगिरी बंगल्यावर जमलेल्या कार्यकर्त्यांकडून भुजबळ साहेब आगे बढो, हम तुम्हारे साथ है या घोषणांनी परिसर दणाणून सोडला. तसेच कोणत्याही परिस्थिती आपण सुहास कांदेचे काम करणार नाही ,अशी भूमिकाही या राष्ट्रवादीच्या कार्यकर्त्यांनी घेतली आहे.

Maharashtra Assembly Election 2024 - News

महाराष्ट्र :आमदार व्हायचंय? भरा अर्ज, आज उघडणार द्वार! २९ ऑक्टोबरपर्यंत निवडणूक प्रक्रिया

महाराष्ट्र :जागावाटप अन् नाराजीनाट्याचा पहिला अंक! महायुतीत धुसफुस, महाविकास आघाडीत दिलजमाई

महायुतीतील अस्वस्थतेला ‘सागर किनारा’ तर मविआ नवीन प्रस्ताव घेऊन आज भेटणार ...

महाराष्ट्र :पुणे बंगळुरू हायवेवर खासगी वाहनात सापडली कोट्यवधीची रोकड; सत्ताधारी आमदाराकडे बोट?

महाराष्ट्र :आमदार चंद्रकांत पाटलांचा CM एकनाथ शिंदेंच्या उपस्थितीत शिवसेनेमध्ये पक्षप्रवेश

फॅक्ट चेक :Fact Check: 'लोकमत'चे नाव आणि लोगो वापरून दिशाभूल; बावनकुळेंबाबतचे 'ते' क्रिएटिव्ह FAKE

हे क्रिएटिव्ह 'लोकमत'ने केल्याचं भासवून वाचकांची, मतदारांची दिशाभूल करण्याचा हा प्रकार आहे. ...

पुणे :आमदार रवींद्र धंगेकराच्या हिंदमाता प्रतिष्ठानविरुद्ध आचारसंहिता भंगाचा गुन्हा दाखल

माझा कसब्यातून विजय पक्का असल्याने विरोधकांच्या मनात धडकी भरली आहे, असे धंगेकर यांनी स्पष्ट केले. ...

महाराष्ट्र :उमेदवार बदला नाहीतर जागा लढवा; देवगिरी बंगल्यात NCP कार्यकर्ते जमले, काय आहे वाद?