Maharashtra Vidhan Sabha Election 2024 | Maharashtra Assembly Election 2024 | Assembly Election 2024 Live Updates | Maharashtra Vidhan Sabha, Assembly Election 2024 Result | महाराष्ट्र विधानसभा निवडणूक 2024

छत्रपती संभाजीनगर : विधानसभा निवडणुकीत उमेदवारी मिळण्यावरून इतर पक्षांमध्ये धुसफूस पाहायला मिळत आहे. अनेक जण उमेदवारी मिळत नसल्याने बंडाच्या तयारीतही आहेत. त्याच वेळी छत्रपती संभाजीनगर जिल्ह्यात शिंदेसेनेच्या विद्यमान आमदारांकडून थेट तयारी सुरू आहे. उमेदवारी जाहीर होणे बाकी असताना तिकीट पक्के समजून निवडणुकीची तयारीही सुरू करण्यात आली आहे. काहींचे प्रचार कार्यालयही सज्ज झाले आहे.छत्रपती संभाजीनगर जिल्ह्यातील ९ पैकी ३ जागा भाजपकडे आहेत तर ५ जागा शिंदेसेनेकडे आहेत तर एक जागा उद्धवसेनेकडे आहे. शिंदेसेनेच्या विद्यमान पाच जागांपैकी पैठण विधानसभेतील शिंदेसेनेचे आमदार संदीपान भुमरे हे खासदार झाले. त्यामुळे पैठण येथे आता विधानसभेसाठी भुमरे यांचे चिरंजीव विलास ऊर्फ बापू भुमरे यांचे नाव जवळपास निश्चित मानले जात आहे तर दुसरीकडे शिंदेसेनेचे प्रवक्ते आ. संजय शिरसाट ‘पश्चिम’मधून, आ. प्रदीप जैस्वाल हे ‘मध्य’, पालकमंत्री अब्दुल सत्तार हे सिल्लोडमधून आणि आ. रमेश बोरनारे हे वैजापूरमधून लढणार असल्याचे निश्चित आहे. केवळ पक्षाकडून उमेदवारी घोषित होणे बाकी आहे. त्यामुळे शिंदेसेनेत कोणतीही धुसफूस, बंडखोडी नसल्याची स्थिती आहे. भाजपने मतदारसंघ वाटाघाटीत कन्नड मतदारसंघावर दावा केला आहे. तर शिंदेसेनेकडूनही या जागेवर दावा करण्यात येत आहे. त्यामुळे कन्नडमधून शिंदेसेनेला उमेदवारी मिळते की भाजपला, याकडे महायुतीतील पदाधिकारी-कार्यकर्त्यांचे लक्ष लागले आहे.नारळही फोडला...शिंदेसेनेच्या एका आमदारांच्या प्रचार कार्यालयाचे नुकतेच स्तंभपूजन करून नारळ फोडण्यात आले, तर अन्य आमदारांचेही प्रचार कार्यालय सज्ज झाले आहे. या प्रचार कार्यालयात बैठकाही सुरू झाल्या आहेत. विद्यमान आमदारांंऐवजी शिंदेसेना नव्या उमेदवारांना संधी देते का, याकडे पक्षातील पदाधिकारी-कार्यकर्त्यांचे लक्ष लागले होते; परंतु सध्याची स्थिती पाहता विद्यमान आमदारांनाच पुन्हा उमेदवारीची ‘लाॅटरी’ लागणार असल्याचे जवळपास निश्चित आहे.

Maharashtra Assembly Election 2024 - News

महाराष्ट्र :शिंदेंसोबतचे 'ते' २-३ नेते परतण्याच्या मनस्थितीत पण...; आदित्य ठाकरेंचा गौप्यस्फोट

महाराष्ट्र :"सकाळी ८ वाजता फोन आला तसं ५०० जण मुंबईला सोबत आले.."; हिरामण खोसकर काय म्हणाले?

सांगली :Sangli: इस्लामपूर मतदारसंघात निशिकांत पाटील कमळाला सोडून घड्याळाचे काटे फिरवणार?, शिवसेनेत अस्वस्थता

कार्यकर्ते मात्र संभ्रमात ...

छत्रपती संभाजीनगर :भाजपकडून डझनभर इच्छुकांच्या स्पर्धेत बागडेंच्या उत्तराधिकारी ठरल्या अनुराधा चव्हाण

भाजपच्या पहिल्याच यादीत फुलंब्री मतदारसंघातून अनुराधा चव्हाण यांची उमेदवारी जाहीर ...

पुणे :विधानसभेसाठी वंचितची पाचवी यादी जाहीर; बारामतीतून कोणाला दिली उमेदवारी?

सांगली :Sangli: अजितराव घोरपडेंच्या भूमिकेने खासदारांची पंचाईत, तासगाव-कवठेमहांकाळला उलटफेर

माजी खासदारांशी हातमिळवणीची शक्यता ...

एमआयएम सर्व पक्षांचे उमेदवार घोषित झाल्यावर आपले उमेदवार जाहीर करणार ...

छत्रपती संभाजीनगर :उमेदवारीवरून इतर पक्षांत धुसफूस, शिंदेसेनेतील आमदार तिकीट पक्के समजून उतरले प्रचारात

उमेदवारी जाहीर होणे बाकी असताना शिंदेसेनेतील आमदारांनी प्रचाराचा नारळ फोडला ...