Maharashtra Vidhan Sabha Election 2024 | Maharashtra Assembly Election 2024 | Assembly Election 2024 Live Updates | Maharashtra Vidhan Sabha, Assembly Election 2024 Result | महाराष्ट्र विधानसभा निवडणूक 2024

लोकमत न्यूज नेटवर्क, ठाणे : विद्यमान आमदार गणपत गायकवाड यांच्या पत्नी सुलभा गायकवाड यांना कल्याण पूर्व मतदारसंघातून, तर किसन कथोरे यांना पुन्हा मुरबाडमधून उमेदवारी देऊन भाजपने तर्कवितर्काना पूर्णविराम दिला. गणपत गायकवाड यांनी शिंदेसेनेचे शहरप्रमुख महेश गायकवाड यांच्यावर गोळीबार केल्याने महायुतीमधील वाद उघड झाले होते, तर भिवंडी लोकसभेतील कपिल पाटील यांच्या पराभवानंतर कथोरे यांची उमेदवारी कापण्यासाठी पाटील यांनी पूर्ण ताकद लावली होती, असे म्हटले जाते.भाजपच्या ९९ जागांच्या यादीत ठाणे जिल्ह्यातील भिवंडी पश्चिम, मुरबाड, कल्याण पूर्व, डोंबिवली, ठाणे, मुरबाड, कल्याण पूर्व, डोंबिवली, ठाणे, ऐरोली व बेलापूर या मतदारसंघांचा समावेश आहे. मात्र, उल्हासनगर, मीरा- भाईंदर या मतदारसंघांतील उमेदवार भाजपने जाहीर केलेले नाहीत. मातब्बर मंत्री रवींद्र चव्हाण यांचे नाव अपेक्षेनुसार पहिल्या यादीत आहे.भिवंडी पश्चिममधून विद्यमान आमदार महेश चौगुले यांना त्याचप्रमाणे ठाणे मतदारसंघातून सातत्याने विजयी होणारे आमदार संजय केळकर यांना आणि ऐरोली व बेलापूरमधून अनुक्रमे गणेश नाईक व मंदा मात्रे यांना उमेदवारी दिली. कल्याण पूर्व येथील जमिनीच्या वादावरून गणपत गायकवाड यांनी शिंदेसेनेच्या महेश यांच्यावर गोळीबार केल्यामुळे यावेळी त्यांच्या पत्नी सुलभा गायकवाड यांना उमेदवारी मिळणार का? याबद्दल तर्कवितर्क लढविले जात होते. मात्र, सुलभा यांची पहिल्या यादीत उमेदवारी जाहीर करून भाजपने गणपत गायकवाड यांची पाठराखण केली.कथोरेंकडून पाटील यांना मात?भिवंडी लोकसभा मतदारसंघात कपिल पाटील यांचा पराभव झाला. आपल्या पराभवास कथोरे कारणीभूत असून, विधानसभा निवडणुकीत त्यांचा "करेक्ट कार्यक्रम करणार", अशी राणा भीमदेवी थाटाची घोषणा पाटील यांनी केली होती. मात्र, कथोरे पुन्हा तिकीट घेऊन आले त्यामुळे त्यांनी पाटील यांच्यावर मात केली.मीरा-भाईंदरबद्दल उत्सुकता- मीरा-भाईंदरमध्ये मागच्या वेळी भाजपच्या नरेंद्र मेहता यांचा पराभव करून अपक्ष गीता जैन विजयी झाल्या. त्यानंतर त्यांनी भाजपचे सहयोगी सदस्यत्व स्वीकारले. मीरा-भाईंदरची जागासुद्धा पक्षाने जाहीर केलेली नाही. त्यामुळे तेथे गीता जैन यांनाच उमेदवारी मिळणार की, नरेंद्र मेहता गीता जैन यांचे तिकीट कापण्यात यशस्वी होणार, याची उत्सुकता कायम आहे.पुन्हा संजय केळकरच!ठाणे मतदारसंघातून यावेळी संजय केळकर यांच्याऐवजी तुलनेने तरुण चेहरा दिला जाईल, अशी चर्चा सुरू होती. केळकर यांनाच पुन्हा संधी दिली. उल्हासनगरातील विद्यमान आमदार कुमार आयलानी यांची उमेदवारी जाहीर झालेली नाही. त्यामुळे येथे उमेदवार बदलला जाणार असल्याच्या चर्चेला बळ प्राप्त झाले. मला दिलेली उमेदवारी हा बहिणीचा सन्मान आहे. त्यामुळे महायुतीच्या नेत्यांचे आभार मानते.- सुलभा गायकवाड, भाजप

Maharashtra Assembly Election 2024 - News

संपादकीय :महाराष्ट्र विधानसभा निवडणूक २०२४: एकमेकांचा करेक्ट कार्यक्रम आता सुरू होईल..!

भाजपने पहिली यादी जाहीर करून बाजी मारली आहे. महाविकास आघाडीत अजून जागांचा घोळ कायम आहे. ...

मुंबई :नालासोपाऱ्यातून भाजपाच्या राजन नाईक यांना उमेदवारी; क्षितिज ठाकूर यांचे आव्हान

पनवेल मतदारसंघामध्येही भाजपाची आघाडी, मविआत बिघाडी कायम ...

महाराष्ट्र :मविआत नाट्यमय घडामोडी सुरु असताना, शिंदे गट शिवसेना थोड्याच वेळात पहिली यादी जाहीर करणार

महाराष्ट्र :नारायण राणेंचे निकटवर्तीय नवव्यांदा रिंगणात, कालिदास कोळंबकरांना भाजपकडून उमेदवारी

Maharashtra Vidhan Sabha Election 2024 : कालिदास कोळंबकर तीन वेळा वडाळ्यातून तर पाच वेळा नायगावमधून आमदार राहिले आहेत. ...

जालना :विधानसभा निवडणुकीत लढायचं अन् पाडायचंही; मनोज जरांगे-पाटील यांचा एल्गार

जरांगे-पाटील यांचे हे तिहेरी सूत्र सत्ताधारी महायुतीसह विरोधी मविआचीही चिंता वाढविणारे ठरणार आहे. ...

महाराष्ट्र :मविआचा जागावाटपाचा गुंता सुटेना; राज्यातील काँग्रेसच्या नेत्यांना दिल्लीत थांबण्याचे आदेश

आज या नेत्यांची पक्षाचे राष्ट्रीय अध्यक्ष मल्लिकार्जुन खरगे यांच्या समवेत बैठक होणार आहे. ...

मुंबई :मुंबई विद्यापीठाने नियोजित परीक्षा पुढे ढकलल्या; विद्यार्थी मतदारांसाठी घेतला निर्णय

१९ आणि २० नोव्हेंबरला असणाऱ्या परीक्षांच्या नव्या तारखा जाहीर ...

ठाणे :भाजपच्या ठाणे जिल्हा यादीत प्रस्थापितांवरच पसंतीची मोहोर! तर्कवितर्कांना दिला पूर्णविराम

विद्यमान आमदार गणपत गायकवाड यांच्या पत्नी सुलभा गायकवाड यांना कल्याण पूर्व मतदारसंघातून दिली उमेदवारी ...