Fact Check : भाजपाच्या विजयाचा आनंद साजरा करण्यासाठी मोदी सर्व युजर्सना देताहेत मोफत रिचार्ज?, हे आहे 'सत्य'
By ऑनलाइन लोकमत | Published: June 11, 2024 11:38 AM2024-06-11T11:38:19+5:302024-06-11T11:46:11+5:30
Fact Check : लोकसभा निवडणुकीचे निकाल जाहीर झाल्यानंतर नरेंद्र मोदींनी भाजपाच्या विजयाचा आनंद साजरा करण्यासाठी सर्व भारतीय युजर्सना मोफत रिचार्ज देण्याची घोषणा केल्याचा दावा केला जात आहे. मात्र हा दावा खोटा आहे.
Fact Check : भाजपाच्या विजयाचा आनंद साजरा करण्यासाठी मोदी सर्व युजर्सना देताहेत मोफत रिचार्ज?, हे आहे 'सत्य'
Created By: News Checker
Translated By: ऑनलाइन लोकमत
नरेंद्र मोदीभाजपाचा विजय साजरा करण्यासाठी सर्व भारतीय युजर्सना ७१९ रुपयांचा ८४ दिवसांचा मोफत रिचार्ज देत आहेत.
WhatsApp टिप लाइन (9999499044) वर आम्हाला हा दावा मिळाला आहे.
लोकसभा निवडणुकीचे निकाल जाहीर झाल्यानंतर नरेंद्र मोदी यांनी भाजपाच्या विजयाचा आनंद साजरा करण्यासाठी सर्व भारतीय युजर्सना मोफत रिचार्ज देण्याची घोषणा केल्याचा दावा केला जात आहे. या दाव्याची चौकशी करण्यासाठी, आम्ही Google वर काही कीवर्ड शोधले. पण दाव्याची पुष्टी करणारे कोणतेही विश्वसनीय रिपोर्ट आम्हाला सापडलेले नाहीत.
आम्ही नरेंद्र मोदी आणि भाजपाचं अधिकृत सोशल मीडिया अकाऊंट आणि भाजपाची अधिकृत वेबसाइट शोधली. परंतु या दाव्याला पुष्टी देणारी कोणतीही माहिती ही पुढील तपासात आढळली नाही.
आम्ही शेअर केलेल्या लिंकवर क्लिक केलं. ही लिंक ‘mahirfacts’ नावाच्या वेबसाइटवर उघडते. ही वेबसाइट आम्हाला संशयास्पद वाटली, म्हणून आम्ही ती स्कॅम डिटेक्टरवर तपासली. स्कॅम डिटेक्टरने वेबसाइटचे वर्णन असुरक्षित आणि धोकादायक असं केलं आहे.
जेव्हा आम्ही पुढील तपासात, या वेबसाइटवर रिचार्जचा लाभ मिळवण्यासाठी दिलेल्या बटणावर क्लिक केलं व्हा आम्हाला समजलं की ही एक फिशिंग लिंक आहे, जी ब्लॉग स्पॉटच्या वेबसाइटवर जाते. ब्लॉग स्पॉटच्या मदतीने तयार केलेल्या या पेजवर, युजर्सना त्यांचा मोबाइल नंबर विचारला जातो.
आम्ही ‘who is’ या वेबसाइटशी संबंधित इतर माहितीची देखील तपासणी करतो. हे डोमेन 30 मे 2023 रोजी ‘HOSTINGER operations, UAB’ या नावाने नोंदणीकृत झाल्याचं येथे नमूद केलं आहे.
तपासातून, आम्ही या निष्कर्षाप्रत पोहोचलो की नरेंद्र मोदी यांनी भाजपाच्या विजयाचा आनंद साजरा करण्यासाठी सर्व भारतीय युजर्सना मोफत रिचार्ज दिल्याचा व्हायरल दावा खोटा आहे. आम्ही आमच्या वाचकांना आवाहन करतो की कृपया कोणत्याही अज्ञात लिंकवर क्लिक करण्यापूर्वी त्याची सत्यता तपासा. अशा लिंक्स धोकादायक असू शकतात.
Sources
Official website of BJP.
Official X handles of Narendra Modi and BJP.
Scam Detector.
Whois.com.
(सदर फॅक्ट चेक News Checker या वेबसाइटने प्रसिद्ध केलं आहे. 'शक्ती कलेक्टिव्ह'चा भाग म्हणून 'लोकमत डॉट कॉम'ने त्याचा अनुवाद केला आहे.)