Birthday Special : तुमच्या कारपेक्षाही जास्त महाग आहेत करिनाच्या हॅन्डबॅग्ज!

बॉलिवूडची बेबो आणि तैमूरची आई करिना कपूर खान आज आपला 38वा वाढदिवस साजरा करत आहे. बॉलिवूडची सर्वात स्टायलिश अॅक्ट्रेस आणि फॅशन ऑयकॉन असलेल्या करिनाच्या बर्थडेच्या निमित्ताने करिनाच्या सर्वात महागड्या गोष्टींबाबत जाणून घेऊयात. यातील काही गोष्टी अशा आहेत ज्या गोष्टी सामान्य माणसं स्वप्नात पाहणंही टाळतील. 

बॉलिवूडची फॅशनिस्ता करिना कपूरने आज आपल्या 38वा वाढदिवसानिमित्त व्हाइट कलरचं टी-शर्ट परिधान केलं आहे. या टी-शर्टची किंमत 40 हजार रुपये आहे. निळ्या डेनिम जीन्ससोबत करिनाने व्हाइट कलरचं Gucci या जगप्रसिद्ध ब्रँडचं टी-शर्ट परिधान केलं आहे. तिच्या टी-शर्टवर फेमस इंग्लिश सिंगर एल्टन जॉनचा फोटोही प्रिंट केलेला आहे. असं म्हटलं जातं की, करिना एल्टनची फॅन आहे. Gucci हा करिनाचा आवडता ब्रँड आहे आणि करिना अनेकदा या ब्रँडच्या कपड्यांमध्ये दिसून आली आहे. 

करिना लग्जरिअस हॅन्डबँगसाठी क्रेझी आहे. करिना एअरपोर्ट, इवेंट्स आणि आउटिंगच्यावेळीही नेहमी बर्किनच्या हॅन्डबॅग कॅरी करते. करिनाकडे असलेल्या बर्किन 35 रोग कॅसक एप्सम हॅन्डबॅगची किंमत एका चारचाकी गाडीच्या किमतीपेक्षाही जास्त आहे. करिनाच्या या बॅगची किंमत 10 लाख रूपये आहे. 

करिना कपूर फक्त ब्रँड कॉन्सिअस नाही तर डायमंडसाठीही क्रेझी आहे. त्यामुळेच जेव्हा सैफ अली खानने लग्नासाठी करिनाला प्रपोज केलं त्यावेळी त्याने करिनाला डायमंड रिंग गिफ्ट केली होती. त्याचप्रमाणे ज्यावेळी त्याने करिनासाठी एंगजेमेंट रिंग निवडली ती 5 कॅरेटची प्लॅटिनम बॅन्ड असलेली डायमंड रिंग आहे. जिची किंमत 75 लाख रूपये होती. 

करिना कपूरला लग्जरिअस गाड्यांचीही फार आवड आहे. मर्सिडीज, रेंज रोवरपासनू बीएमडब्ल्यूपर्यंत अनेक महागड्या गाड्या करिनाकडे आहेत. यातील एक गाडी  Lexus ब्रँडची LX 470 SUV ही आहे. या गाडीची किंमत 2 कोटी 30 लाख आहे. 

हॅन्डबॅगप्रमाणेच करिना कपूर खान सनग्लासेसचीही शौकीन आहे आणि प्रत्येक वेळी ती वेगवेगळ्या चष्म्यांमध्ये दिसून येते. कधी ब्लॅक कलरचे एविएटर्समध्ये तर कधी ब्लॅक कलरच्या राउंड सनग्लासेसमध्ये ती दिसून येते. करिनाकडे J’adior ब्रँडचे सनग्लासेस आहेत ज्यांची किंमत 50 हजार रूपये आहे.