Latest Fashion News | Fashion Marathi News | Latest Fashion News in Marathi | फॅशन: ताज्या मराठी बातम्या

बॉलिवूडचे बाजीराव आणि मस्तानी म्हणजेच रणवीर सिंह आणि दीपिका पादुकोण यांनी इटलीतील लेक कोमो येथे आपली लग्नगाठ बांधली. दोघांनी आधी कोंकणी आणि त्यानंतर सिंधी पद्धतीने लग्न केलं. दीपिका आणि रणवीरने आपल्या लग्नामध्ये बॉलिवूडचा सर्वात फेव्हरेट डिझायनर सब्यासाची मुखर्जींचे आउटफिट्स परिधान केले होते. ज्वेलरीपासून लहेंग्यापर्यंत आणि साडी, कुर्ता आणि शेरवानीपर्यंत सर्व आउटफिट्स सब्यासाची यांनी डिझाइन केलेले होते. याआधी अनुष्का शर्मा आणि विराट कोहलीच्या लग्नसमारंभामध्ये मेहंदी, साखरपुडा, लग्न आणि रिसेप्शनमध्येही सब्यासाची यांनी डिझाइन केलेले आउटफिट्स परिधान केले होते. दीपिकाच्या या सुंदर लहेंग्यापेक्षा सर्वांचं लक्ष वेधून घेण्यासाठी खास ठरली ती म्हणजे तिची चुनरी. अत्यंत खासगीत पार पडलेल्या या सोहळ्याचे फक्त दोनच फोटो सर्व फॅन्ससाठी शेअर करण्यात आले होते. हे फोटो शेअर करताच चाहत्यांनी दोघांवर शुभेच्छांचा वर्षाव करण्यास सुरुवात केली. परंतु हे फोटो शेअर होताच सर्वांमध्ये चर्चा सुरू झाली ती म्हणजे दीपिकाच्या ओढणीची. तिच्या ओढणीवर 'सदा सौभाग्यवती भव: !!' असं लिहिण्यात आलं होतं. दीपिकाने डोक्यावर घेतलेली ही ओढणी नवरीला तिच्या सासरच्या लोकांकडून देण्यात येते. या व्यतिरिक्त दीपिकाचे कलिरे, चुडा आणि साखरपुड्याच्या अंगठीचीही चर्चा होताना दिसत आहे. दरम्यान दीपिका आणि रणवीरच्या लग्नाचे रिसेप्शन बंगळुरू आणि मुंबईमध्ये होणार आहे. इटलीतील लेक कोमोमध्ये लग्न केल्यानंतर दीपिका बंगळुरूमध्ये 21 नोव्हेंबर आणि मुंबईमध्ये 28 नोव्हेंबरला रिसेप्शन पार्टी देणार आहेत.

Fashion (Marathi News)