​दहावी-बारावीचा निकाल कधी लागणार पाहा !

दहवी-बारावीचा निकालाबाबत सोशल मीडियावर अनेक मॅसेज व्हायरल होत असून विद्यार्थी आणि पालक संभ्रमात आहेत.

द�

��वी-बारावीचा निकालाबाबत सोशल मीडियावर अनेक मॅसेज व्हायरल होत असून विद्यार्थी आणि पालक संभ्रमात आहेत. मात्र यात काहीही तथ्य नसल्याचे मंडळाने सांगितले आहे. निकालाची उत्सुकता तशी पालकांना आणि विद्यार्थ्यांना असून नेमक्या कोणत्या तारखेला निकाल लागेल हे जाणून घेण्यासाठी सर्वचजण उत्सुक आहेत. यासाठी काही प्रसार माध्यमांनी मंडळाशी संवाद साधला असता मिळालेल्या माहितीनुसार दहावीचा निकाल ७ जून पूर्वी तर बारावीचा निकाल २९ मे आधी लागण्याची शक्यता आहे. यामुळे लवकरच बारावीच्या विद्यार्थ्यांची प्रतीक्षा संपणार आहे. 
बोर्डाकडून बारावीच्या उत्तरपत्रिकांची तपासणी पूर्ण झाली असून निकालाची तयारी सुरू आहे. विभागीय मंडळांची कामे पूर्ण न झाल्याने निकालाला थोडा उशीर होत आहे.

निकालाची तयारी अंतिम टप्प्यात असून मे अखेरपर्यंत बारावीचा निकाल जाहीर करण्यात येणार आहे. मात्र अद्याप बोर्डाने निकालाची तारीख जाहीर केलेली नाही. कोणीही अफवांवर विश्वास ठेवू नये, असे आवाहनही मंडळातर्फे करण्यात आले आहे. 

महाराष्ट्र राज्य माध्यमिक व उच्च माध्यमिक शिक्षण मंडळातर्फे फेब्रुवारी, २०१७ मध्ये घेण्यात आलेल्या उच्च माध्यमिक अर्थात बारावी परीक्षेच्या निकालाची तारीख सोमवारी जाहीर करण्यात येईल, अशी माहिती मंडळाचे अध्यक्ष गंगाधर म्हमाणे यांनी दिली.