Ganesh Utsav Special Recipe : असे तयार करा बाप्पासाठी केसरी मोदक; चवीसोबतच आरोग्यासाठी ठरतात उत्तम!

गणेशोत्सवात घराघरांत बाप्पाचं आगमन होतं. बाप्पाच्या नैवेद्यासाठी मोदक तर हमखास तयार केले जातात. पण अनेकदा उकडीचे मोदक करून कंटाळा येतो. अशातच तुम्ही जर वेगळ्या पद्धतीने मोदक तयार करण्याचा विचार करत असाल तर तुम्ही केशरी मोदक ट्राय करू शकता. 

वेगळ्या पद्धतीने तयार करण्यात येणारे हे मोदक चवीला उत्तम असतात. तसेच यामध्ये ड्रायफ्रुट्सचा वापर करण्यात येत असल्यामुळे अनेक पोषक तत्वही असतात. या मोदकांची सर्वात खास गोष्ट म्हणजे, हे तयार करणं अत्यंत सोप असतं. जाणून घेऊया केशरी मोदक तयार करण्याची रेसिपी... 

केशरी मोदक तयार करण्यासाठी लागणारं साहित्य :

• खवा
• वेलची पूड 
• केशर आवश्यकतेनुसार
• पिठी साखर 
• ड्रायफ्रुट्स 
• तेल 

 

केशरी मोदक तयार करण्याची कृती : 

- गॅसवर एक पॅन ठेवून मध्यम आचेवर गरम करत ठेवा. 

- फॅन गरम झाल्यानंतर किसलेला खवा आणि पिठी साखर एकत्र करा. 

- 5 ते 10 मिनिटांसाठी परतून घ्या. लक्षात ठेवा की, साखर पूर्णपणे विरघळणं आवश्यक आहे. 

- मिश्रण व्यवस्थित एकजीव झाल्यानंतर खवा व्यवस्थित एकत्र करून गॅस बंद करा. त्यामध्ये वेलची पूड एकत्र करून मिश्रण थंड होण्यास ठेवा. 

- तयार मिश्रण दोन बाउलमध्ये काढून घ्या. एका बाउलमधील मिश्रणात ड्रायफ्रुट्स एकत्र करा तर दुसऱ्या भागामध्ये केशर एकत्र करा. 

- आता मोदकांचा साचा घेऊन एका बाउलमधील मिश्रण घेऊन त्याला अर्धवर्तुळाकार देऊन साच्यामध्ये टाका. आता दुसऱ्या बाउलमधील मिश्रण घेऊन साच्यातील उरलेल्या भागामध्ये एकत्र करा. 

- असं केल्याने मोदकाचा अर्धा भाग केशरी आणि अर्ध्या भागामध्ये ड्रायफ्रुट्स असा मोदक तयार होइल. 

- टेस्टी आणि हेल्दी केशरी मोदक तयार आहे.