लॉकडाऊनच्या काळात विकृतीचा कळस; गायीवर बलात्कार केल्याचा फुटबॉलपटूचा दावा

अनेक देशांनी लॉकडाऊनचा पर्याय अवलंबला आहे.

कोरोना व्हायरसमुळे जगभरात तणावाचे वातावण आहे. दिवसेंदिवस कोरोना रुग्णांची आणि मृतांची संख्या ही वाढत चालली आहे. आतापर्यंत जगभरातील कोरोना रुग्णांची संख्या ही 18 लाख 53,392 इतकी झाली आहे. त्यापैकी 4 लाख 23,708 जणं बरी झाली असली तरी मृतांचा वाढता आकडा चिंता वाढवणारा आहे. आतापर्यंत 1 लाख 14, 253 लोकांना कोरोनामुळे प्राण गमवावे लागले आहे. अशा परिस्थितीत अनेक देशांनी लॉकडाऊनचा पर्याय अवलंबला आहे. पण, या लॉकडाऊनच्या काळात विकृतीचा कळस गाठणारी घटना घडली आहे. एका स्टार फुटबॉलपटूच्या गायीवर अमली पदार्थांच्या आहारी गेलेल्या युवकांनी बलात्कार केल्याची घटना समोर येत आहे.

अरे देवा... ती ५२ अन् तो २२ वर्षांचा; सुपरस्टार फुटबॉलपटूची आई प्रेमात!

कोलोम्बियाचा आघाडीचा फुटबॉलपटू मिग्युएल बोर्जा याच्या गायीवर अतिप्रसंग ओढावला आहे आणि येथील अमली पदार्थांच्या आहारी गेलेल्या युवकांनी हा किळसवाणा प्रकार केल्याचा दावा त्यानं केला आहे. बोर्जानं त्याच्या फेसबुक पेजवरून ही बात सर्वांसमोर आणली आहे. 27 वर्षीय बोर्जानं सांगितलं की,''लॉकडाऊनच्या काळात ही घटना घडली.'' 

त्यानं फेसबुकवर शेअर केलेल्या व्हिडीओमध्ये गायीची प्रकृती खालावल्याची दिसत आहे. या व्हिडीओमध्ये तो गायीला केळं खायला देत आहे, परंतु ती तेही खाणं टाळत आहे. त्यानं सांगितले की,''काही दिवसांपूर्वी काही लोकांनी माझ्या गायीवर बलात्कार केला. हे किळसवाणं कृत्य करून त्यांनी तिला मृत्यूशी संघर्ष करण्यासाठी सोडून दिलं. देवावर माझा विश्वास आहे आणि तिची प्रकृती सुधरावी यासाठी मी प्रार्थना करतो. तिच्या या स्थितीला जबाबदार असलेल्या लोकांना देव शिक्षा देईल, याची मला खात्री आहे.'' 

तो पुढे म्हणाला की,''अमली पदार्थाच्या आहारी गेलेल्या युवा मुलांच्या गटानं हे कृत्य केलं. त्यांना असं वाटतं की ते या विभागाचे राजे आहेत. हे बदललं पाहिजे. मी पालकांना विनंती करतो की, त्यांनी त्यांच्या मुलांकडे लक्ष द्यावे.'' 

पाहा व्हिडीओ...