Fifa Football World Cup 2018 :  रशियावर विजयासह उरुग्वे अव्वल

उरुग्वेने पहिल्या सत्रात दोन आणि दुसऱ्या सत्रात एक गोल करत रशियावर 3-0 असा विजय मिळवला. 

ठळक मुद्देयजमान रशियावर विजय मिळवत उरुग्वेच्या संघाने ' अ ' गटात अव्वल स्थान पटकावले आहे.

मॉस्को : .यजमान रशियावर विजय मिळवत उरुग्वेच्या संघाने फुटबॉल विश्वचषकातील  ' अ ' गटात अव्वल स्थान पटकावले आहे. उरुग्वेने पहिल्या सत्रात दोन आणि दुसऱ्या सत्रात एक गोल करत रशियावर 3-0 असा विजय मिळवला. 

🇺🇾🇺🇾🇺🇾
3 wins out of 3. #URU finish Top of Group A.
Sumptuous @LuisSuarez9 free-kick, one to re-watch later. 📹👀 pic.twitter.com/mE7us7zBlq

— FIFA World Cup 🏆 (@FIFAWorldCup) June 25, 2018

सामन्याच्या दहाव्या मिनिटाला सुआरेझला फ्री-किक मिळाली आणि या संधीचे त्याने गोलमध्ये रुपांतर केले. त्याचा हा सलग दुसरा गोल ठरला. गेल्या सामन्यातही उरुग्वेने सुआरेझच्या गोलवर विजय मिळवला होता. रशियासाठी आतापर्यंत दिमाखदार कामगिरी करणाऱ्या डेनिस चेरीशेव्हने स्वत:च्याच गोलजाळ्यात चेंडू धाडला आणि उरुग्वेला 2-0 अशी आघाडी मिळवता आली.

दुसऱ्या रशिया अधिक आक्रमक होईल, असे वाटत होते. पण उरुग्वेने त्यांचे आक्रमण उत्तमरीत्या थोपवले. सामन्याच्या 90व्या मिनिटाला उरुग्वेच्या एडिन्सन कव्हानीने गोल केला आणि उरुग्वेने हा सामना 3-0 असा जिंकला.