FIFA World Cup 2018 : स्टार फुलबॉल खेळाडू लिओनेल मेस्सीची रोमांचक लव्हस्टोरी!

अर्जेंटिनाचा स्टार खेळाडू लिओनेल मेस्सीचं रोमॅंटिक लाइफ फारच रोमांचक आहे. त्यांची लव्हस्टोरी फारच कमी लोकांना माहीत आहे.

जगभरातील फुटबॉल प्रेमींना आणि फुटबॉल न आवडणाऱ्यांनाही मेस्सी हा ओळखीचा आहे. मेस्सीचा संघ फिफा फुटबॉल वर्ल्ड कपमधून बाहेर झाली असली तरी त्याची चर्चा मात्र कधीच कमी होत नाही. अर्जेंटिनाचा स्टार खेळाडू लिओनेल मेस्सीचं रोमॅंटिक लाइफ फारच रोमांचक आहे. त्यांची लव्हस्टोरी फारच कमी लोकांना माहीत आहे. पण ही त्याची लव्हस्टोरी कोणत्याही सिनेमाच्या कथेपेक्षा कमी नाहीये. 

मेस्सी हा चाहत्यांमध्ये एक फारच लाजरा व्यक्ती म्हणून लोकप्रिय आहे. पण हे फार कमी लोकांना माहीत आहे की, मेस्सी हा रिअल लाइफमध्ये फार बोल्ड आणि रोमॅंटिक व्यक्ती आहे. चला जाणून घेऊया मेस्सीची रोमांचक लव्हस्टोरी....

मेस्सी हा फार यशस्वी खेळाडू म्हणून ओळखला जातो. त्याचं स्वच्छ करिअर हे त्यांच्या यशाचं मुख्य कारण सांगितलं जातं. स्टार खेळाडूंच्या वेगवेगळ्या अफेअरबाबत नेहमी चर्चा होत असते. पण मेस्सीचा आजपर्यंत केवळ एका मुलीवर जीव जडलाय. ती म्हणजे मॉडल एंटोनेला रोकुजो. 

आपल्या देशासाठी सर्वात जास्त गोल करणाऱ्या मेस्सीवर जगभरातील लाखों तरुणी जीव ओवाळतात. पण मेस्सी हा एंटोनेलावर फिदा आहे. अनेकवर्ष लिव्ह-इन-रिलेशनशिपमध्ये राहिल्यानंतर मेस्सीने आपली लव्हस्टोरी एका रेडिओवर सांगितली होती. 

मेस्सी आणि एंटोनेलो हे एकमेकांना पाच वर्षांचे असतानापासून ओळखतात. आणि 20 वय असतानापासून एकमेकांना डेट करत होते. दोघांचं लग्नही फार साध्या पद्धतीने झालं. महत्वाची बाब त्यांनी त्यांचं वेडिंग गिफ्ट म्हणून लियो मेस्सी फाऊंडेशनला डोनेशन करण्याचा निर्णय घेतला होता. 

लग्नाआधी मेस्सी आणि त्यांची पत्नी एंटोनेलो हे लिव्ह इनमध्ये राहत होते. लग्नाआधीच त्याच्या दोन मुलांनी जन्म घेतला होता. त्याच्या दोन मुलांची नावे थियागो आणि मेटियो अशी आहेत. मेस्सी त्याच्या प्रेयसीची गर्भवती होण्याची कहाणीही एका वेगळ्याच अंदाजात सांगितली होती. 

2012 मध्ये एका सामन्यात मेस्सीने हॅट्रिक लगावली होती. आपल्या या हॅट्रिकवर तो आनंदाने नाचत होता. यावेळी अचानक त्याने बॉल आपल्या टी-शर्टच्या आत ठेवला. मेस्सीचं हे असं करणं अनेकांना बुचकळ्यात टाकणारं होतं. पण नंतर तो बाबा होणार हे सर्वांना कळालं होतं. 

मेस्सीच्या जवळचे लोक सांगतात की, मेस्सी तसा फार शांत आणि लाजऱ्या स्वभावाचा आहे. पण जेव्हापासून त्याच्या लाइफमध्ये एंटोनेलो रोकुजोने एन्ट्री घेतली तेव्हापासून तो फारच मोकळेपणाने आपलं आयुष्य जगतो आहे.