स्पेनचा इटलीवर ३ गोलने विजय

इस्कोने केलेले दोन शानदार गोल व अंतिम क्षणी अलवारो मोराता याने केलेल्या गोलच्या जोरावर स्पेनने इटलीला ३-० असे पराभूत केले. या विजयासह पुढील वर्षी होणाºया विश्वचषक फुटबॉल स्पर्धेत पात्र ठरण्यासाठी स्पेनने एक पाऊल पुढे टाकले.

माद्रिद : इस्कोने केलेले दोन शानदार गोल व अंतिम क्षणी अलवारो मोराता याने केलेल्या गोलच्या जोरावर स्पेनने इटलीला ३-० असे पराभूत केले. या विजयासह पुढील वर्षी होणाºया विश्वचषक फुटबॉल स्पर्धेत पात्र ठरण्यासाठी स्पेनने एक पाऊल पुढे टाकले.
स्पेनच्या संघाने सुरुवातीपासूनच चांगला खेळ केला. इस्कोने पूर्वार्धातच दोन गोल करत इटलीवर दबाव निर्माण केला. २००६ नंतर इटलीचा पात्रता फेरीतील हा पहिलाच पराभव आहे. इटलीवर विजयामुळे स्पेनने जी गटात तीन गुणांसह आघाडी घेतली आहे. त्याचबरोबर गोलफरकांमध्येही स्पेनने मोठी आघाडी घेतली आहे. इटलीने मागील वर्षी अंतिम १६ मध्ये स्पेनला २-० असे पराभूत करत स्पर्धेबाहेर काढले होते. मात्र, स्पेनने पहिल्या ४५ मिनिटांत सामन्यावर आपले पूर्ण नियंत्रण ठेवले होते. इटलीला नोव्हेंबरमध्ये होणाºया दुसºया सत्रातील प्लेआॅफमध्ये खेळावे लागणार आहे. (वृत्तसंस्था)