७६ जणांनी केले रक्तदान

जिल्हा पोलीस व सामान्य रूग्णालय गडचिरोली यांच्या संयुक्त विद्यमाने पोलीस रूग्णालयात मंगळवारी रक्तदान शिबिर आयोजित करण्यात आले.

अभिनव उपक्रम : पोलीस अधीक्षकांसह जवानांचा सहभाग
लोकमत न्यूज नेटवर्क
गडचिरोली : जिल्हा पोलीस व सामान्य रूग्णालय गडचिरोली यांच्या संयुक्त विद्यमाने पोलीस रूग्णालयात मंगळवारी रक्तदान शिबिर आयोजित करण्यात आले. या शिबिरात जिल्हा पोलीस अधीक्षक डॉ.अभिनव देशमुख यांच्यासह पोलीस अधिकारी व जवानांनी मिळून ७६ जणांनी रक्तदान केले.
या शिबिरात जिल्हा पोलीस, सीआरपीएफ, एसआरपीएफ व पोलीस संकुलातील जवानांच्या कुटुुंबीयांनीही रक्तदान केले. यामध्ये जिल्हा पोलीस अधीक्षक डॉ. अभिनव देशमुख, अप्पर पोलीस अधीक्षक महेंद्र पंडित, पोलीस उपअधीक्षक गणेश बिरादार यांचा समावेश आहे. शिबिरासाठी वैद्यकीय अधिकारी डॉ. योगेश पडोळे, डॉ. विलास कुमरे, डॉ. अरविंद आलाम, डॉ. घोडमारे व चमूने सहकार्य केले.