गडचिरोली जिल्ह्यात अपघात; एक ठार दोन गंभीर

लगाम येथे कार व ट्रकच्या धडक होऊन तीत एक ठार व दोनजण गंभीर झाल्याची घटना शनिवारी सकाळी ९ च्या सुमारास घडली.

लोकमत न्यूज नेटवर्क
गडचिरोली:  मुलचेरा  तालुक्यातील लगाम चेक येथील हनुमान मंदिराजवळच्या वळणावर आज सकाळी ०८.४५  वाजताच्या सुमारास अहेरीवरून चंद्रपूरकडे भरधाव वेगाने जाणारी अर्टिगा गाडी क्रमांक एम एच 33 व्ही 0959  व विरुद्ध दिशेने मंचेरियालला जेसीबी घेऊन येणारा ट्रक क्रमांक ए पी 29  टी ए 7828 यांच्यात जोरदार टक्कर झाली.यात आर्टिगामधील अहेरी येथील श्यामराव गुंडावार वय 48 हे जागीच ठार झाले तर त्यांचा भाचा मोहनिश एग्लोपवार वय 21 व वाहन चालक सुधीर दासरवार (बन्नी) वय 19 हे दोघे गंभीर जखमी असून त्यांना अहेरी येथील उपजिल्हा रुग्णालयात हलविण्यात आले आहे .सदर वाहन सचिन पडलवार यांच्या मालकीचे असून वृत्त लिहीपर्यंत घटनास्थळी पोलीस आलेले नव्हते तसेच मृतक शामराव गुंडावार हे गाडीत अडकलेले होते. सदर अपघातामुळे दोनही बाजूला वाहनाच्या रांगा लागल्या होत्या त्यामुळे एक तास वाहतूक खोळंबली होती. शामराव गुंडावार हे आपल्या भाच्याला चंद्रपूर येथे दवाखान्यात नेत होते.