गणेशाची मूर्ती चार फुटांपेक्षा माेठी असल्यास कारवाई

गणेशोत्सव मंडळांनी गणेशोत्सवासाठी संबंधित तालुक्यांचे तहसीलदार व पोलीस निरीक्षक यांची

पूर्व परवानगी घेणे आवश्यक राहणार आहे. कोविड-१९ मुळे उद्भवलेल्या संसर्गजन्य परिस्थितीचा विचार करता न्यायालयाने निर्गमित केलेले आदेश तसेच संबंधित स्थानिक प्रशासनाचे मंडपाबाबतचे धोरण यांच्याशी सुसंगत असे मर्यादित स्वरूपाचे मंडप उभारण्यात यावेत. गणेशोत्सव साध्या पध्दतीने साजरा करणे अपेक्षित असल्याने घरगुती तसेच सार्वजनिक गणपतींची सजावट करताना त्यात भपकेबाजी नसावी.

पारंपरिक गणेशमुर्ती ऐवजी घरातील धातू, संगमरवर आदी मूर्तीचे पूजन करावे. मूर्ती

शाडूची व पर्यावरणपूरक असल्यास त्याचे विसर्जन शक्यतो घरच्या घरी करावे. विसर्जन घरी करणे शक्य नसल्यास नजिकच्या कृत्रिम विसर्जन स्थळी विसर्जन करण्यात यावे. जाहिरातींच्या प्रदर्शनामुळे गर्दी आकर्षित होणार नाही असे पहावे. आरोग्यविषयक व सामाजिक संदेश असलेल्या जाहिराती साध्या स्वरूपात प्रदर्शित करण्यास पसंती देण्यात यावी. सांस्कृतिक/गर्दीच्या कार्यक्रमांऐवजी सामाजिक अंतर राखून आरोग्य विषयक उपक्रम, शिबिरे आयोजित करण्यास प्राधान्य देण्यात यावे. कोरोना, मलेरिया, डेंग्यू इ. आजार आणि त्यांचे प्रतिबंधात्मक उपाय तसेच स्वच्छता याबाबत जनजागृती करण्यात यावी.

बाॅक्स

देणगीसाठी जबरदस्ती करू नये

उत्सवाकरिता वर्गणी/देणगी स्वेच्छेने दिल्यास स्वीकार करावा. वेळोवेळी निर्गमित केलेल्या परिपत्रकानुसार इतरही निर्बंध कायम राहतील. त्यामध्ये गणेशोत्सवानिमित्त कोणतीही शिथीलता देता येणार नाही. आरती, भजन, कीर्तन वा अन्य धार्मिक कार्यक्रम आयोजित करताना गर्दी होणार नाही. तसेच ध्वनिप्रदूषणासंदर्भातील नियमांचे व तरतुदींचे काटेकोर पालन करण्यात यावे. श्रीगणेशाच्या दर्शनाची सुविधा ऑनलाईन, केबल नेटवर्क, वेबसाईट व फेसबुक इत्यादीद्वारे उपलब्ध करून द्यावी. जमावबंदी कलम १४४ अंतर्गत आदेशाचे तंतोतंत पालन करावे.

बाॅक्स

आगमन व विसर्जनाच्यावेळी मिरवणुका काढण्यावर बंदी

गणपती मंडपांमध्ये निर्जंतुकीकरणाची तसेच थर्मल स्क्रीनिंगची पर्याप्त व्यवस्था करण्यात यावी. प्रत्यक्ष येऊन दर्शन घेऊ इच्छिणाऱ्या भाविकांसाठी शारीरीक अंतराचे तसेच स्वच्छतेकडे विशेष लक्ष देण्यात यावे. गणेशाचे आगमन व विसर्जन मिरवणुका काढण्यात येऊ नयेत. विसर्जनाच्या पारंपारिक पध्दतीत विसर्जन स्थळी होणारी आरती घरीच करून विसर्जन स्थळी कमीत कमी वेळ थांबावे. लहान मुले आणि वरिष्ठ नागरिकांनी सुरक्षेच्या दृष्टीने विसर्जनस्थळी जाणे टाळावे, असे परिपत्रकात म्हटले आहे.