वृत्तपत्र विक्रेत्यांना फ्रंटलाइन वर्कर जाहीर करा

या बैठकीत सुरुवातीला कोरोनाने निधन झालेल्या वृत्तपत्र विक्रेत्यांना संघटनेच्या वतीने भावपूर्ण श्रद्धांजली अर्पण करण्यात आली.

त्यानंतर राज्य सरचिटणीस बालाजी पवार यांनी राज्यातील जिल्ह्यानुसार कोरोना बाधित व कोरोनाने निधन झालेल्या वृत्तपत्र विक्रेत्यांची तसेच राज्यातील वृत्तपत्र विक्रेत्यांच्या अडचणींविषयी सांगितले. तसेच कोरोनामुळे किती नुकसान झाले आहे त्याची माहिती दिली. शासनाला किंवा व्यवस्थापनांना मागणी करताना ही माहिती आवश्यक आहे, असे पवार यांनी सांगितले. कार्याध्यक्ष सुनील पाटणकर यांनीही विचार व्यक्त केले.

जिल्ह्यातील वृत्तपत्र विक्रेत्यांना लस उपलब्ध करावी, बाधित व सर्व वृत्तपत्र विक्रेत्यांना असंघटित कामगार म्हणून आर्थिक मदत मिळावी, असंघटित कामगार म्हणून लवकरात लवकर नोंदणी सुरू करावी, आदी मागण्यांचे निवेदन एकाच दिवशी राज्यातील सर्व जिल्ह्याधिकाऱ्यांमार्फत राज्याचे मुख्यमंत्री, कामगार मंत्री व आरोग्य मंत्री यांना देण्याचे ठरविण्यात आले. सभेचे आभार सरचिटणीस बालाजी पवार यांनी मानले. उपाध्यक्ष अण्णासाहेब जगताप, संघटन सचिव रवींद्र कुलकर्णी, शिवाजी खेडकर, कोकण विभाग निमंत्रक प्रभारी दत्ता घाडगे, सदस्य राजू टिकार, मनीष राजनकर, जगदीश उमरदंड, भारत माळवे, दत्ता ठाकरे, कोषाध्यक्ष गोरख भिलारे, मनीष वासनिक, सूर्यकांत टेंबे, महेश कुलथे, रवींद्र कांबळे, किशोर सोनवणे, आदी सहभागी झाले.

बाॅक्स

मृत्यू झालेल्या वृत्तपत्र विक्रेत्यांना मदत द्या

कोरोनामुळे वृत्तपत्र विक्रेत्यांचे मोठ्या प्रमाणात आर्थिक नुकसान झाले आहे. त्यामुळे त्यांना आर्थिक मदत मिळावी, कोरोनाची लस उपलब्ध करून दिली पाहिजे, निधन झालेल्या वृत्तपत्र विक्रेत्यांच्या कुटुंबांना आर्थिक मदत करावी, बाधितांना मदत करावी, अशा प्रकारे अनेक मागण्या पुढे आल्या. यावर राज्य संघटनेच्या वतीने काही व्यवस्थापनाकडे निधन झालेल्या वृत्तपत्र विक्रेत्यांना आर्थिक मदत मिळावी यासाठी विनंती केल्याची माहिती सरचिटणीस बालाजी पवार यांनी दिली. व्यवस्थापनाकडून सकारात्मक विचार होईल अशी आशा त्यांनी यावेळी व्यक्त केली.