जिल्ह्यात २४ जणांचे रक्तदान

लोकमत वृत्तपत्र समूहाचे संस्थापक, स्वातंत्र्य सेनानी जवाहरलालजी दर्डा यांच्या जयंतीनिमित्ताने गडचिरोली व अहेरी येथे रक्तदान शिबिराचे आयोजन शनिवारी करण्यात आले.

बाबूजींना आदरांजली : अहेरी व गडचिरोलीत कार्यक्रम
गडचिरोली : लोकमत वृत्तपत्र समूहाचे संस्थापक, स्वातंत्र्य सेनानी जवाहरलालजी दर्डा यांच्या जयंतीनिमित्ताने गडचिरोली व अहेरी येथे रक्तदान शिबिराचे आयोजन शनिवारी करण्यात आले. या शिबिरात २४ जणांनी रक्तदान करून बाबूजींना आदरांजली वाहिली.
गडचिरोली जिल्हा सामान्य रूग्णालयाच्या रक्तपेढीत स्व. जवाहरलालजी दर्डा उपाख्य बाबूजी यांच्या प्रतीमेला मालार्पण व दीपप्रज्वलन करून कार्यक्रमाची सुरूवात करण्यात आली. यावेळी जिल्हा शल्य चिकित्सक डॉ. प्रमोद खंडाते, अतिरिक्त जिल्हा शल्य चिकित्सक डॉ. अनिल रूडे, जिल्हा रक्तसंक्रमण अधिकारी डॉ. शैलजा मैदमवार, लोकमतचे कार्यालय प्रमुख डॉ. गणेश जैन, लोकमतचे जिल्हा प्रतिनिधी अभिनय खोपडे, गडचिरोली येथील प्रमुख वितरक श्रीकांत पतरंगे, नागपूर येथील वितरण विभागाचे अधिकारी सुबोध कुकडे आदींसह लोकमत परिवार व जिल्हा सामान्य रूग्णालयाचे कर्मचारी उपस्थित होते. या रक्तदान शिबिरात सुनील कलसार, लोकेश घनश्याम खोब्रागडे, श्रीरंग कस्तुरे, अभिनय खोपडे, दिगांबर जवादे, गडचिरोली व्यापारी संघटनेचे सचिव गुरूदेव हरडे, पुष्पा विशाल उमरे, सावित्री काबरा, आरमोरीच्या विद्या सुरेश चौधरी, प्रियदर्शनी हायस्कूल धानोराच्या मुख्याध्यापिका जयश्री लोखंडे, सत्यप्रकाश शितलाचंद बैस, कपील एस. झाडे, राजू एम. उईके, रवींद्र गोलकोंडावार, ईश्वर गोलकोंडावार, यशवंत विलास कोसनशिले, सोहन पाल, चेरपुरे, भुमेश्वर विठ्ठल बुराम, संतोष गोमनकर आदींनी रक्तदान केले. यावेळी रक्तपेढीचे जनसंपर्क अधिकारी सतीश तडकलावार, लॅब टेक्नीशीअन पंकज निखाडे, अधिपरिचारिका वाघुळकर, प्राची भैसारे, खुशलता मलगाम, सखीमंचच्या संयोजिका प्रिती मेश्राम, बाल विकास मंचच्या संयोजिका किरण पवार, युवा नेक्स्टच्या संयोजिका वर्षा पडघन, ज्येष्ठ सखी सदस्य सोनिया बैस, पुष्पलता देवकुले, रश्मी आखाडे, अरूणा उरकुडे, प्रतिभा रामटेके, रचना फुलझेले, अंजली वैरागडवार, रागिनी कापकर, चहांदे आदी उपस्थित होते.