आगामी निवडणुका बीआरएसपी ताकदीने लढविणार

बहुजन रिपब्लिकन सोशालिस्ट पार्टीची जिल्हा पदाधिकारी व कार्यकर्ता बैठक स्थानिक सर्किट हाऊसमध्ये डॉ. सुरेश माने यांच्या अध्यक्षतेखाली ३ सप्टेंबर राेजी पार पडली. बैठकीत विशेष अतिथी म्हणून पक्षाचे विदर्भ अध्यक्ष विशेष फुटाणे, प्रदेश महासचिव भास्कर बांबोळे, प्रदेश सचिव डॉ. कैलास नगराळे, महिला सहसंयोजिका पूनम घोनमोडे उपस्थित होते. बैठकीदरम्यान काही कार्यकर्ते व महिलांनी बीआरएसपीमध्ये प्रवेश केला. बैठकीचे संचालन जिल्हाध्यक्ष राज बन्सोड तर आभार सचिन वैद्य यांनी मानले, बैठकीला आदिवासी युवा विकास परिषदेचे विनोद मडावी, स्विटी गेडाम, प्रतीक्षा सिडाम, तसेच पुरुषोत्तम रामटेके, जितेंद्र बांबोळे, दीपक बोलीवार, प्रीतेश अंबादे, संघरक्षित बांबोळे, अनिल कोठारे, प्रतीक डांगे, प्रमोद बांबोळे, पीयूष वाकडे आदी कार्यकर्ते उपस्थित होते.

बाॅक्स

यांची झाली नियुक्ती

बैठकीदरम्यान काही कार्यकर्त्यांची विविध पदांवर नियुक्ती करण्यात आली. महिला आघाडीच्या जिल्हा महासचिवपदी दुशिला एल. जी, जिल्हा उपाध्यक्षपदी नयना दरडमारे, जिल्हा सचिवपदी विभा उमरे तर गडचिरोली महिला तालुकाध्यक्षपदी प्रीती इंगळे, तसेच गडचिरोली शहर अध्यक्षपदी मिलिंद बांबोळे, तालुका महासचिवपदी हेमंत रामटेके, युवा आघाडी गडचिरोली तालुकाध्यक्षपदी मून रायपुरे यांची नियुक्ती करण्यात आली.