संत गाडगेबाबा यांची जयंती साजरी

नगरपरिषद गडचिराेली

गडचिरोली : येथील नगरपरिषद कार्यालयात थोर समाजसुधारक संत गाडगे महाराज यांची जयंती मंगळवारी साजरी करण्यात आली. याप्रसंगी नगराध्यक्ष योगिता पिपरे यांनी संत गाडगे महाराज यांच्या प्रतिमेस पुष्पहार अर्पण करून अभिवादन केले.

संत गाडगेबाबांनी विवेकाच्या खराट्याने गावोगावी फिरून लोकांची मने स्वच्छ केली. साक्षरतेचा प्रचार-प्रसार केला. महाराष्ट्रातील ग्रामीण भागात स्वच्छतेची शिकवण देऊन समाज सुधारणा करणारे ते थोर संत होते, असे प्रतिपादन नगराध्यक्ष योगिता पिपरे यांनी केले. कार्यक्रमाला उपाध्यक्ष अनिल कुनघाडकर, शिक्षण सभापती वर्षा नैताम, नगरसेवक प्रमोद पिपरे, वैष्णवी नैताम, वर्षा बट्टे, अनिता विश्राेजवार, नीता उंदीरवाडे, लता लाटकर, रितू कोलते, मुख्याधिकारी संजीव ओव्होळ, उपमुख्याधिकारी रवींद्र भांडारवार, कार्यालयीन अधीक्षक मधुकर कन्नाके, आनंद खुणे, शरद सोनटक्के, स्नेहल शेंद्रे, बंडू ताकसांडे, राजेश मधुमटके, गणेश नाईक, गणेश ठाकरे, दिनकर धोटे, शोभा भोयर व कर्मचारी उपस्थित होते.