आरमोरी तालुक्यात कोरडा दुष्काळ जाहीर करा

आरमोरी : या वर्षीच्या खरीप हंगामात पावसाचे प्रमाण अल्प असून बऱ्याच शेतकऱ्यांची रोवणीची कामे खोळंबली आहेत. आरमोरी तालुक्यातील शेतकरी हा अस्मानी-सुलतानी संकटात सापडला आहे. त्यामुळे प्रशासनाने तत्काळ पंचनामे करून आरमोरी तालुक्यात दुष्काळ जाहीर करावा, अशी मागणी शिवसेना व युवासेना शाखा आरमोरीच्या वतीने तहसीलदार यांच्या मार्फत मुख्यमंत्र्यांना निवेदनातून केली आहे.

या वर्षी हवामान खात्याने चांगल्या पावसाचा अंदाज वर्तविल्याने शेतकऱ्यांच्या आशा प्रफुल्लित झाल्या होत्या. परंतु सुरुवातीपासूनच पावसाचे प्रमाण सरासरीपेक्षा कमी झाल्याने तलाव, बोड्या रिकाम्या आहेत. त्यामुळे बऱ्याच शेतकऱ्यांच्या धान रोवणीची कामे खोळंबली असून हलक्या धानाचे पऱ्हे हे निसवण्याच्या मार्गावर आहेत. ज्या शेतकऱ्यांनी तलाव, बोळ्यांमध्ये थोडेफार पाणी साचलेले होते त्या पाण्याने कशीबशी धानाची रोवणी केली परंतु गेल्या दहा-पंधरा दिवसांपासून पावसाने दडी मारल्याने रोवणी झालेले धानपीक करपण्याच्या स्थितीत आहे. त्यामुळे शासनाने तालुक्यातील शेतजमिनींचे पंचनामे करून लवकरात लवकर दुष्काळ जाहीर करावा, अशी मागणी आरमोरी तालुका शिवसेना व युवासेनेच्या वतीने करण्यात आली.

तहसीलदारांना निवेदन देताना युवासेनेचे माजी जिल्हाप्रमुख चंदू बेहरे, नगर परिषदेचे बांधकाम सभापती सागर मने, भूषण सातव, लहानू पिलारे, रामदास डोंगरवार, पुंजीराम मेश्राम, माजी जि. प. सदस्य वेणू ढवगाये, नगरसेवक माणिक भोयर, कवळू सहारे, मेघा मने, शैलेश ढोरे, विजय मुरवतकार, शैलेश चिटमटलवार, अनिल पारधी, उल्हास बनपूरकर, वसंत गेडाम, ज्ञानेश्वर ढवगाये, राजू ढोरे, किशोर मेश्राम, सतीश गुरनुले, टिकाराम खेवले आदी पदाधिकारी व कार्यकर्ते उपस्थित होते.

270821\img-20210827-wa0039.jpg

आरमोरीचे तहसीलदार कल्याणकुमार डहाट यांच्या मार्फत मुख्यमंत्र्यांना निवेदन सादर करताना सेना व युवासेनेचे पदाधिकारी व कार्यकर्ते