सागवान पाट्यासह चारचाकी वाहन जप्त

वाहनचालकास मालाबाबत कागदपत्रांची विचारणा केली असता त्यांच्याकडे कोणतीही वैध कागदपत्रे आढळून आली नाहीत. वाहनातील दाेन व्यक्ती व वाहन ताब्यात घेऊन सिरोंचा येथे आणून मालाचे मोजमाप केले असता एकूण २२ नग साग पाट्या आढळल्या. त्याची किंमत १२ हजार ९४१ रुपये आहे. अधिक चौकशी केली असता हा माल विक्रीच्या उद्देशाने वाहतूक करीत असल्याचे आराेपींनी सांगितले. श्रीनिवास रमेश ताटी, वय २० वर्षे, रा. तुमनूर व राजेश बापू सदनपू, वय २४ वर्षे रा. पेंटीपाका यांना अटक केली. तीन लाख रुपये किमतीचे महिंद्रा पिकअप वाहन जप्त करण्यात आले आहे.

ही कारवाई सिराेंचाचे वनपरिक्षेत्र अधिकारी श्रीनिवास कटकू, वनपाल ए.एच. गहाणे, वनरक्षक एम. एम. गावळ, वनरक्षक, आर. वाय. तलांडी, वाहनचालक प्रदीप मंगाम, वनमजूर वेंकन्ना जेट्टी, रमेश जेट्टी, समय्या गोरा, समय्या गुरुसिंग, रोहित सद्दी, राजू कडार्ला, वेंकटस्वामी व बकय्या यांच्या पथकाने केली.