पोलीस भरतीची तयारी करणाऱ्या युवक-युवतींना दिली मोफत पुस्तके

पोलीस अधीक्षक अंकित गोयल, अप्पर पोलीस अधीक्षक मनीष कलवानिया, समीर शेख, सोमय मुंडे यांच्या मार्गदर्शनाखाली आणि अहेरीचे उपविभागीय पोलीस अधिकारी अमोल ठाकूर यांच्या उपस्थितीत राजाराम खांदला येथे ९ सप्टेंबरला हा कार्यक्रम झाला. या कार्यक्रमासाठी द विनर्स अकॅडमी औरंगाबादचे संचालक बाळासाहेब शिंदे, पोलीस भरती मिनी ठोकळाचे लेखक राजेश मेशे पुणे, बीएसएफचे सहायक कमांडंट श्रीनिवास चौधरी यांनीही योगदान दिले.

कार्यक्रमाला उपपोलीस स्टेशनचे पोलीस उपनिरीक्षक रवींद्र भोरे, उपनिरीक्षक विजय कोल्हे, गणेश कड, केशव केंद्रे, सीआरपीएफचे पोलीस निरीक्षक अखिलेश पाठक, एसआरपीएफचे उपनिरीक्षक गजानन खेत्रे आणि जिल्हा पोलीस दलाचे अंमलदार हजर होते.

(बॉक्स)

भरतीची तयारी करणाऱ्यांना होणार लाभ

राजाराम खांदरा उपपोलीस स्टेशन हद्दीमधील गावात जे युवक-युवती पोलीस भरतीची तयारी करत आहेत त्यांना मार्गदर्शन करून मोफत पुस्तकांचे वाटप करण्यात आले. त्यात गरीब व गरजू कुटुंबातील ३९ युवक आणि २१ युवती अशा ६० जणांचा समावेश आहे. एम्स अकॅडमी गडचिरोलीचे संचालक अभिजित मोहुर्ले यांनी आगामी पोलीस भरतीची मैदानी व लेखी परीक्षेची तयारी कशी करावी, याबाबत उपस्थित युवक-युवतींना मार्गदर्शन केले.

090921\img-20210909-wa0057.jpg

राजाराम खांदला येथे पोलीस भरतीची तयारी करणाऱ्या युवक व युवतींना मार्गदर्शन करून मोफत पुस्तके वाटप