विवाहितेशी अश्लील संभाषण करत छेड काढणे भोवले

सचिन धुळसे (३२) रा. कुरखेडा असे आराेपीचे नाव आहे. राणाप्रताप वाॅर्डातील आरोपी सचिन याने ८ ऑक्टोबर, २०१९ रोजी एका विवाहितेसोबत अश्लील शब्दांत बोलत तिची छेड काढली होती. पीडितेच्या तक्रारीवरून कुरखेडा पोलीस स्टेशनमध्ये आरोपीविरोधात भादंवि कलम ३५४, ५०४, ५०६ अन्वये गुन्हा दाखल करण्यात आला होता. गुन्ह्याचा तपास ठाणेदार सुधाकर देडे यांच्या मार्गदर्शनात महिला पोलीस हवालदार अर्चना मोहुर्ले यांनी करीत न्यायालयात आरोपपत्र दाखल केले होते.

या प्रकरणाची सुनावणी सोमवारी होऊन आरोपीला भादंवि ३५४ अन्वये २ वर्षे ६ महिने शिक्षा व ३ हजार रुपये दंड तर भादंविच्या इतर कलमान्वये ४ महिने शिक्षा व ३ हजार रुपये दंड अशी एकत्रित २ वर्षे १० महिने शिक्षा व ६ हजार रुपये दंड ठोठावण्यात आला. या प्रकरणात सरकारी अधिवक्ता ॲड.ए.पी. नाकाडे यांनी शासनाची बाजू मांडली, तर कोर्ट पैरवी म्हणून लालाजी गुरनुले यांनी काम पाहिले.