काॅग्रेसची विचारधारा सर्वसामान्यांना न्याय देणारी

चामोर्शी येथे साधूबाबा कुटीतील हनुमान मंदिराच्या सभागृहात पक्षाची आढावा बैठक घेण्यात आली, यावेळी ते बाेलत हाेते. बैठकीदरम्यान जिल्हा परिषद, पंचायत समितीच्या आगामी निवडणुकीकरिता गावागावात व नगरपंचायत प्रभागनिहाय बूथ कमिट्या तयार करणे, काँग्रेस पक्षाची विचारधारा कार्यकर्ते यांच्या माध्यमातून गावागावात पोहचविणे याबाबत बैठकीत चर्चा करण्यात आली.

यावेळी पं. स.चे माजी सभापती किसनराव शेट्ये, अशोक चलाख, महेंद्र म्हशाखेत्री, प्रदेश सदस्य राजेश ठाकूर , ग्राम संवाद सरपंच संघटनेचे प्रदेश उपाध्यक्ष प्रमोद भगत, माजी न. प. सभापती विजय शातलवार, जिल्हा परिषद सदस्य कविता भगत, पं. स. सदस्य धर्मशिला सहारे, माजी उपसरपंच नितीन वायलालवार, प्राचार्य डॉ. हिराजी बनपूरकर, माजी नगरसेवक वैभव भिवापुरे, जिल्हा महामंत्री कालिदास बुरांडे, सरपंच नीलकंठ निखाडे, संजय पंदीलवार, युकाॅचे तालुका अध्यक्ष लोकेश शातलवार, उपसरपंच राहुल पोरटे, पं.स. सदस्य शंकर आक्रेडीवार, प्राचार्य बिधान बेपारी, संजय वडेट्टीवार, पंकज वायलालवार यासह तालुक्यातील पदाधिकारी व कार्यकर्ते उपस्थित होते.

बैठकीदरम्यान माजी मुख्यमंत्री दिवंगत विलासराव देशमुख यांना श्रद्धांजली वाहण्यात आली. प्रास्ताविक तालुका अध्यक्ष विनोद खोबे यांनी, संचालन गुरुदेव सातपुते यांनी तर आभार कृष्णा नैताम यांनी मानले. यावेळी तालुक्यातील सरपंच व उपसरपंच यांचा सत्कार करण्यात आला.