वन कर्मचाऱ्यांकडून अधिकाऱ्यांना निराेप

आरमोरी : आरमोरी वनपरिक्षेत्रातील पळसगाव उपक्षेत्राच्या जाेगीसाखरातील मध्यवर्ती राेपवाटिकेत शुक्रवारी सेवानिवृत्त वनाधिकारी व कर्मचाऱ्यांना निराेप देण्यात आला.

कार्यक्रमात विभागीय वन अधिकारी (दक्षता) शंकर बिलोलीकर व सहायक वनसंरक्षक भास्कर कांबळे यांचा सेवानिवृत्ती सत्कार करण्यात आला. यावेळी त्यांना शाल, श्रीफळ व भेटवस्तू देण्यात आली.

यावेळी प्रमुख अतिथी म्हणून सहायक वनसंरक्षक मनोज चव्हाण, आरमोरीचे वनपरिक्षेत्र अधिकारी सचिन डोंगरवार, वडसाचे वनपरिक्षेत्र अधिकारी राहुल शिंदे, वनपरिक्षेत्र अधिकारी (वन्यजीव) रंजन इनवते उपस्थित होते. कार्यक्रमादरम्यान अधिकाऱ्यांच्या सेवाकाळातील आठवणींना उजाळा देण्यात आला. कार्यक्रमाचे संचालन पळसगावचे क्षेत्र सहायक एम. गाजी शेख यांनी केले. वनरक्षक भारत शेंडे यांनी आभार मानले. याप्रसंगी आरमोरी वन परिक्षेत्रातील सर्व वनरक्षक, वनपाल, वनकर्मचारी, वनमजूर व कार्यालयीन कर्मचारी उपस्थित होते.

कार्यक्रमाच्या यशस्वीतेसाठी आरमोरीचे क्षेत्र सहायक राजू कुंभारे, वनरक्षक विजय जनबंधू व वनमजुरांनी सहकार्य केले.