नवशिकेपणा आला अंगलट; दुचाकी अपघातात इसम ठार

डोंगरे कुटुंबावर आघात

गडचिरोली : नवीन दुचाकी व नवशिकाऊपणा एका व्यक्तीच्या चांगलाच अंगलट आला. आपल्या नवीन दुचाकीने सिरोंचाला कामानिमित्त जात असतानाच रंगयापल्लीच्या वळणार दुचाकीवरील नियंत्रण सुटून इसम ठार झाल्याची घटना बुधवारी सकाळी ९:३० वाजता घडली.

चिन्नाराजम मलय्या डोंगरे (५५) रा. पोचमपल्ली असे अपघातात ठार झालेल्या इसमाचे नाव आहे. चिन्नाराजम डोंगरे हे पोचमपल्लीवरून सिरोंचाकडे काही कामानिमित्त जात होते. दरम्यान बामणीपासून ९ किमी अंतरावर असलेल्या रंगयापल्लीच्या एका वळणावर त्याचे दुचाकीवरील नियंत्रण सुटले. यात त्यांना डोक्याला जबर मार लागला व ते जागीच ठार झाले. घटनेचा पंचनामा सिरोंचा पोलिसांनी करून मृतदेह विच्छेदनासाठी पाठविला.

दोन वर्षांपूर्वी पत्नी व मुलाचाही मृत्यू

चिन्नाराजम पोचमपल्ली याचा एक मुलगा व त्याची पत्नी दोन वर्षांपूर्वीच मृत्यू पावली. त्यामुळे डोंगरे कुटुंबावर आघात झाला होता. आता पुन्हा चिन्नाराजमचा मृत्यू झाल्याने कुटुंबावर तिहेरी आघात झाला.