Nagar Panchayat Election 2022 : धानोरा नगरपंचायतीवर काँग्रेसची सत्ता

धानोरा नगरपंचायत निवडणुकीत १७ पैकी १३ जागा जिंकत काँग्रेसने आपले वर्चस्व सिद्ध केले आहे. भाजपला  ३ तर अपक्षला १ जागा मिळवता आली आहे.

गडचिरोली : जिल्ह्यातील भामरागड, एटापल्ली, मुलचेरा, कोरची, अहेरी, सिरोंचा, चामोर्शी, धानोरा व कुरखेडा या ९ नगरपंचायतीच्या निवडणुकीची मतदान प्रक्रिया आज पार पडत आहे. प्रत्येक नगरपंचायतीत १७ जागा असून एकूण १५३ जागांसाठी ६०१ उमेदवार उभे हाेते. अनेक राजकीय पक्षांनी नगर पंचायतींच्या निवडणुकीत आपली शक्ती पणाला लावली हाेती. लाेकप्रतिनिधी व राजकीय पक्षांच्या पदाधिकाऱ्यांनी स्वत:ला प्रचारात झाेकून दिले हाेते. 

धानोरा नगरपंचायत निवडणुकीत धानोरा नगर पंचायतीवर कांग्रेसने दणदणीत विजय मिळविला आहे. १७ पैकी १३ जागा जिंकत काँग्रेसने आपले वर्चस्व सिद्ध केले आहे. भाजपला  ३ तर अपक्षला १ जागा मिळवता आली आहे. याआधी येथे भाजपची सत्ता होती पण यावेळी काँग्रेस बहुमताने विजयी झाली आहे. तर, ३ जागेसह भाजप दुसऱ्या स्थानी असून १ जागा अपक्षला मिळाली आहे.   

धानोरा येथे ८९.७७ टक्के मतदान झाले. यात १३१ पुरुष व १४१ महिला असे २७२ मतदारांनी मतदानाचा हक्क बजावला. 

धानोरा नगरपंचायत निकाल

काँग्रेस - १३

भाजप - ३

अपक्ष - १