पाेचमपल्ली, अमरावतीत गुळाचा सडवा केला नष्ट
By लोकमत न्यूज नेटवर्क | Published: April 25, 2021 04:36 AM2021-04-25T04:36:02+5:302021-04-25T04:36:02+5:30
सिराेंचा तालुका मुख्यालयापासून १० किमी अंतरावर असलेल्या अमरावती येथे अवैधरीत्या दारू गाळली जात आहे. गावात ५ दारूविक्रेते सक्रिय असून, ...
सिराेंचा तालुका मुख्यालयापासून १० किमी अंतरावर असलेल्या अमरावती येथे अवैधरीत्या दारू गाळली जात आहे. गावात ५ दारूविक्रेते सक्रिय असून, त्यांनी पाेलिसांच्या सूचनेला न जुमानता अवैध दारूविक्री सुरूच ठेवली आहे. याबाबतची माहिती गाव संघटना व मुक्तिपथ तालुका चमूला मिळताच गावातील चार ठिकाणी तपासणी केली. दरम्यान, एका घरी १८ हजार रुपये किमतीचा तीन ड्रम गुळाचा सडवा आढळून आला. संपूर्ण मुद्देमाल नष्ट करीत पुन्हा दारूविक्री न करण्याची तंबी देण्यात आली.
तसेच तालुक्यातील कोटा पोचमपल्ली येथे गाव संघटना व मुक्तिपथ तालुका चमूने अहिंसक कृती करीत एका दारूविक्रेत्याच्या घर परिसरात असलेला तीन ड्रम गुळाचा सडवा नष्ट केला. कोटा पोचमपल्ली येथे गाव संघटनेच्या प्रयत्नांतून अवैध दारूविक्री बंद आहे. मात्र, गावातील एका मुजोर दारूविक्रेत्याने दारूविक्री करण्याच्या उद्देशाने घराजवळ गुळाचा सडवा टाकला होता. याबाबतची माहिती गाव संघटना व मुक्तिपथ तालुका चमूला प्राप्त होताच अहिंसक कृतीचे नियोजन केले. त्यानुसार दारू विक्रेत्याच्या घर, परिसराची तपासणी केली असता जमिनीत मोठे तीन ड्रम गाडलेले व त्यात गुळाचा सडवा टाकला असल्याचे दिसून आले. एकूण १८ हजार रुपये किमतीचा तीन ड्रम गुळाचा सडवा नष्ट करण्यात आला. तसेच गावात पुन्हा दारूविक्री न करण्याची तंबी दारूविक्रेत्यास देण्यात आली.
बाॅक्स
जंगलाच्या आधाराने लावतात भट्ट्या
सिराेंचा तालुक्यातील बहुतांश भाग जंगलव्याप्त आहे. नद्या, नाले व ओढे असल्याने झुडपांचा आधार घेऊन दारू गाळण्यासाठी भट्ट्या लावल्या जातात. अनेक गावांमध्ये दारू गाळणे हा कुटीर व्यवसाय झाला आहे. दुर्गम भाग असल्याने या परिसरात पाेलीस कारवाई करणे शक्य नाही. त्यामुळे अवैध धंदे फाेफावले आहेत. जंगलाच्या आड दारू गाळून गाव परिसरात त्याची विक्री केली जाते.
===Photopath===
240421\24gad_7_24042021_30.jpg
===Caption===
पाेचमपल्ली व अमरावतीत अशाप्रकारे गूळसडवा गाडून ठेवला हाेता.