पावणेदोन लाखांची दारू जप्त

उपविभागीय पोलीस अधिकारी कार्यालयाच्या पथकाने कठाणी नदी पुलाजवळ शनिवारी १ लाख ७४ हजार रूपये किमतीची दारू जप्त केली आहे. याप्रकरणी दोघांना अटक केली आहे.

ठळक मुद्देदोघांना अटक : कठाणी नदी पुलाजवळ कारवाई

लोकमत न्यूज नेटवर्क
गडचिरोली : उपविभागीय पोलीस अधिकारी कार्यालयाच्या पथकाने कठाणी नदी पुलाजवळ शनिवारी १ लाख ७४ हजार रूपये किमतीची दारू जप्त केली आहे. याप्रकरणी दोघांना अटक केली आहे.
चारचाकी वाहनाने आरमोरी मार्गावरील कठाणी नदी पुलाजवळ देशी, विदेशी दारू आणून ठेवली आहे, अशी गोपनिय माहिती उपविभागीय पोलीस अधिकारी पथकाला प्राप्त झाली. त्यानुसार उपविभागीय पोलीस अधिकारी डॉ. सागर कवळे, पोलीस उपनिरिक्षक नरेंद्र जगदाळे, नायक पोलीस शिपाई खामदेव कोहपरे यांच्यासह पथकाने पंचासह कठाणी नदी पूलाजवळ पोहोचले. या परिसरात शोध घेतला असता, दारू आढळून आली. पांढऱ्या रंगाचे पाच खरड्याच्या बॉक्समध्ये विदेशी कंपनीची दारू आढळली. त्याचबरोबर खाकी रंगाच्या १५ बॉक्समध्ये प्रती बॉक्स १०० निपा प्रमाणे एकूण १ हजार ५०० देशी दारूच्या बॉटल आढळल्या. या सर्वांची किंमत १ लाख ७४ हजार रूपये होते. याप्रकरणी राकेश राजेंद्रलाल पिल्लेवार (३१) रा. गोंदिया, सोनू वामन फुलेवार रा. गोकुलनगर या दोघांना अटक केली. यातील बिरज चांदवानी रा. गोंदिया हा आरोपी फरार असून त्याच्या विरोधात गडचिरोली पोलीस स्टेशनमध्ये गुन्हा दाखल करण्यात आला आहे.