विविध मागण्यांसाठी राजाराम ग्रामपंचायतीला ठोकणार कुलूप

परिसरातील राजाराम ग्रामपंचायत अंतर्गत नाली सफाई व अतिक्रमण हटविणे ही दोन्ही कामे झाली नाहीत. ग्रामसेविकेने आपल्या कर्तव्यात कसूर केली असल्यामुळे ग्रामपंचायतीला कुलूप ठोकण्यात येणार आहे. अहेरी पं. स.चे सभापती भास्कर तलांडे यांच्या नेतृत्वात हे आंदाेलन हाेणार आहे.

ग्रामपंचायत राजाराम येथील नाली मागील काही वर्षांपासून साफ करण्यात आली नाही, ही जबाबदारी ग्रामपंचायतीची असताना दुर्लक्ष करण्यात आले. मात्र, ३ ऑगस्टला ग्रामसभा घेण्यात आली होती. तेव्हा या सभेत पंचायत समितीचे सभापती भास्कर तलांडे यांच्या उपस्थितीत ग्रामसभेतील नागरिकांनी नाली सफाई व अतिक्रमणाबाबत चर्चा करण्यात आली. नालीसफाई करण्याचे निर्देश देत हे काम करण्याचा ठराव मंजूर करण्यात आला होता. मात्र एक महिन्याचा कालावधी उलटला; मात्र ग्रामसेविकेकडून कोणतीही उपाययोजना करण्यात आली नाही. त्यामुळे ग्रा. पं. सचिवावर योग्य कारवाई करावी, समस्यांचे निराकरण करण्यात यावे, आदी मागण्यांसाठी राजाराम ग्रामपंचायतीला सभापती भास्कर तलांडे यांच्या नेतृत्वात कुलूप ठोकण्यात येणार आहे. नागरिकांनी उपस्थित राहण्याचे आवाहन तलांडे यांनी केले आहे.

070921\4347img-20210508-wa0028.jpg

विविध मागण्यांसाठी बुधवार ला राजाराम ग्रामपंचायत ला ठोकणार कुलूप... फोटो... पंचायत समिती सभापती भास्कर जी talande यांच्या