विशेष शिबिर घेऊन वाटप केले ३१५ नागरिकांना रेशनकार्ड

या शिबिरात कन्हेली येथे ४० अंत्योदय व ६ प्राधान्य कुटुंब लाभ आणि १७ नवीन कार्ड, मोहगाव येथे ३२ अंत्योदय, २३ प्राधान्य कुटुंब लाभ तर ५५ नवीन कार्ड, चव्हेला येथे १०६ अंत्योदय, ५० प्राधान्य कुटुंब लाभाचे, तर १० नवीन अशा एकूण ३१५ रेशनकार्डचे वाटप करण्यात आले तसेच ते ऑनलाईन करण्यात आले.

यावेळी नायब तहसीलदार धनराज वाकुलकर, पुरवठा निरीक्षक चंदू प्रधान, तलाठी एस. के. आडे, के. एस. श्रीरामे, स्नेहा चोढरी, कविता गेडाम आदी उपस्थित होते. या शिबिराच्या यशस्वितेसाठी सरपंच, ग्रामसेवक, पोलीस पाटील, स्वस्त धान्य दुकानदार, अंगणवाडीसेविका, आशा वर्कर यांचे सहकार्य लाभले.